Ова е стар германски рецепт од народната медицина за зајакнување на имунитетот и намалување на високиот холестерол, го чисти исклучително ефикасно црниот дроб и спречува формирање камења во бубрезите. Рецептот е многу едноставен и неговиот ефект е неверојатен.
Многумина го користат и за намалување на вишокот килограми и за одржување на општата здравствена состојба. Потребни состојки: 4 нелупени (органски) лимони, свеж ѓумбиров корен со должина приближно 4 центиметри или две лажички рендан, четири големи главици лук, 2 литри вода.
Постапка: добро измијте четири лимони и потоа исечкајте ги на помали парчиња. Излупете го лукот и ставете го во блендер заедно со лимоните и ѓумбирот. Миксајте додека да добиете компактна смеса.
Потоа смесата истурете ја во тава или тенџере, додајте вода и непрекинато мешајте додека да зоврие. Кога ќе зоврие, веднаш тргнете го садот на страна, поклопете го и оставете го да се олади. Потоа процедете ја смесата добро низ газа или цедалка, а добиената течност складирајте ја во стаклени шишиња или тегли. Чувајте во фрижидер.
Употреба: пијте по една чаша секое утро пред појадок, а потоа по една чаша после секој оброк. Ова може да го повторувате две до три недели, со задолжителна пауза од седум дена после секоја недела. По неколку дена ќе бидете видно поодморни и ќе се чувствувате подобро.
Целата постапка можете да ја погледнете во видеото ОВДЕ. Лимонот е глобално позната лековита билка и сите знаеме дека е добро да се консумира во сиров облик, поради витаминот Ц. И чајот сварен од целиот лимон е исто така многу лековит, како што се лековити и другите билни чаеви. Меѓутоа, од нив се разликува по специјалните лековити својства.
Има луѓе кои наутро наместо кафе пијат топла вода со лимон, што е исклучително добро, секако доколку немаат други здравствени проблеми и со консултација на нивниот лекар. После еден месец секојдневно пиење на лимонада, добро е да се направи пауза од две седмици за да се одморат цревата. За оние со почувствителна слузокожа, потребно е после секоја недела редовно пиење, да се направи една недела пауза.
Меѓутоа, за да ги искористиме сите лековити својсттва кои ги дава лимонот, најдобро е да го приготвиме на следниот начин: неколку лимони претходно добро измиени со сода бикарбона и ладна вода, пресечете ги на половина и прелијте ги со вода.
Ставете го тенџерето на оган да зоврие, од моментот на зовривање оставете да се вари пет минути со намалена температура, па исклучете го шпоретот. Оставете ги лимоните во течноста додека таа полека се лади. Кога ќе излади, процедете ја и засладете ја со мед по вкус (не мора).
Напитокот складирајте го во стаклен сад и чувајте го во фрижидер. Секое утро пијте по една чаша на празен стомак. ШТО СÈ ЛЕКУВА ВАРЕНИОТ ЛИМОН ВО ВОДА Поттикнува слабеење и топење на масните наслаги; го зајакнува имунитетот; лекува настинка; го забрзува метаболизмот; ја поттикнува перисталтиката и празнењето на цревата; го подобрува изгледот на кожата; ги лекува акните
Најдобро е наместо кафе, секое утро да пиете од овој напиток. Разликата ќе ја забележите после само неколку денови.
ЛИМОН
Лимонот (лат. Citrus × limon) е име за дрво и плод од родот Citrus (фамилија Rutaceae). Тој е вид на мали зимзелени дрвја, со потекло од Азија. Елипсовидниот, жолт плод на лимоновото дрво се користи за кулинарски и некулинарски цели ширум светот, првенствено поради неговиот сок.
Пулпата и кората се користат за готвење и печење. Сокот од лимон содржи околу 5-6% лимонска киселина, со pH околу 2.2, давајќи му кисел вкус на сокот. Киселиот вкус на сокот го прави клучна состојка во разни видови на пијалаци и храна, како што се лимонада и колач од лимон.
Лимонот е богат извор на витамин Ц, со тоа што 100 грама задоволуваат 64% од дневните потреби. Меѓутоа, другите есенцијални хранливи материи се со занемарлива содржина.
Лимонот содржи бројни фитохемикалии, вклучувајќи полифеноли, флавоноиди, органски киселини, терпени и танини. Етеричното масло од лимон е бистра, безбојна или слабо жолтеникава течност со специфичен, слабо ароматичен мирис на лимон и горчлив вкус.
Се состои од монотерпенскиот јаглеводород лимонен (90%), а мирисот се должи на мирисниот алдехид цитрал, кој го има 3-8%. Во помала мера е присутен цитронелал и други терпени. Под дејство на воздух, маслото се усмолува и добива терпентински мирис, а може да дојде до одвојување на кафеава смолеста маса.
Маслото се користи како ароматик и коригенс. Големи количества се трошат во козметичкото и во парфимериско производство и во прехранбената индустрија. Како и другите агруми, лимонот содржи голем процент на лимонска киселина (околу 47 g/l, во сокот).
УПОТРЕБА ВО КУЛИНАРСТВО
Сокот од лимон, и неговата кора, се користат во различни видови на храна и пијалаци. Целиот лимон се користи за подготовка на мармалади, лимонова сурутка и лимонов ликер. Парчиња лимон и неговата кора, се користат за гарнирање на храна и пијалаци. Кората од лимонот, излупениот површински слој на плодот, се користи за подобрување на вкусот на печивата, пудинзите, оризот и други јадења.
СОК ОД ЛИМОН
Плодот на лимонот содржи 40-50% сок. Бојата на сокот е жолта до бледо зеленикава, а вкусот е кисел. Содржи 8% лимонска киселина, помали количини на други органски киселини, околу 3% шеќери, и најмногу витамин Ц од сите витамини. Сокот, пред употреба, се пастеризира или концентрира.
Пастеризираниот сок е траен, и без конзерванс, најмалку година дена, и се користи како додаток на јадења и пијалаци. Концентрираниот сок, обично, се користи за понатамошна индустриска преработка за готови јадења и пијалаци.
КОРА
Во Мароко, лимонот се конзервира во тегли или буренца со сол. Солта ја натопува кората, ја омекнува и создава заштитен слој, така да плодовите не се расипуваат долго време. Конзервираните лимони се користат на различни начини во подготовката на храна. Конзервираниот лимон се користи, исто така, и во сицилијански, италијански, грчки и француски специјалитети.
ЛИСТОВИ
Листовите од лимон се користат за подготовка на чај, и при подготовка на варени меса и морска храна.
