-Попајовиот смути од спанаќ е најдобриот начин да се добие антиоксидантот лутеин.
Најновото истражување објавено на Универзитетот Линкепинг утврди дека консумацијата на спанаќ во облик на смути или сок, претставува најдобар начин да се добие лековитиот антиоксиданс лутеин.
Висок процент на лутеин се наоѓа во темнолистестиот зеленчук, вклучително и во спанаќот, но начинот на приготвување влијае на тоа колку лутеин ќе преостане што ќе го внесеме во нашиот организам.
Односно, најдобро е доколку сакате да добиете најголема количина од антиоксидантот лутеин, кој многу поволно влијае врз здравјето на артериите.
Голем број луѓе со атеросклероза имаат хронично воспаление кое е поврзано со зголемен ризик од инфаркт. На универзитетот Линкепинг во едно претходно истражување го проучувале дејството на антиоксидантот лутеин и утврдиле дека тој може да го намали воспалението кај пациенти со заболени коронарни артерии.
Тие исто така покажале дека лутеинот може да се складишти во клетките на имуниот систем, што значи дека е можно да се создаваат резерви на лутеин во организмот. Тоа ги навело истражувачите да проверат дали е можно да се влијае врз нивото на лутеинот во организмот со помош на исхрана.
Затоа одлучиле да утврдат на кој начин е најдобро да се приготви спанаќот, а притоа да се сочува највисок процент на лутеин, со оглед на тоа што загревањето го разградува лутеинот, како и многу други нутриенти.
Истражувачите испробале пржење, готвење до 90 минути, готвење на пареа и други начини за термичка обработка на спанаќот. Било утврдено дека колку подолго трае термичката обработка, толку помалку лутеин преостанува. Најлошо од се’ било пржењето на спанаќот, зошто после 2 минути се уништувал поголемиот дел од лутеинот.
„Затоа, најдобро е воопшто да не загрева спанаќот“ – заклучува д-р Розана Чунг, главен автор на истражувањето. „А уште подобро е ако сами си направите смути со спанаќ и додадете малку млечни масти, на пример павлака, млеко или јогурт. Кога спанаќот ќе се исечка или измикса ситно, тогаш се солободува најмногу лутеин од листот, а млечната маст ја подобрува растворливоста на лутеинот во течности“ – објаснува таа.
Истражувањето е објавено во списанието Food Chemistry.
