Фото и рецепт: Славица Георге
Потребни состојки:
500 г брашно
260 мл млака вода
2 лажици масло
1/2 лажица киселина
1 лажица сол
1 прстофат шеќер
125 г путер
Фил:
Спанаќ
1 лажичка сол
125 г дробено сирење
100 г изварка
2-3 јајца
Постапка:
Се користи тава бр.30
Тестото убаво се меси (помеко, но да не лепи), па се дели на две топки од кои едната е малку поголема од другата.
Секоја топка се дели на два дела и се остава да одмори 15 минути, поросена со брашно и покриена со проѕирна фолија за да не се суши тестото.
Прво се отвора поголемата кора (прво едниот дел, па другиот) – околу 10-12 см. Се премачкува со малку путер и над неа се става вториот дел.
Потоа заедно се отвора голема кора – околу 45 см.
Се мачка со путер и се засекува на 12 еднакви парчиња, а во средината останува круг 10-15 см.
Се префрлаат сите сегменти преку средината на кората – со последниот дел се обвиткува цела топка. Се витка со проѕирна фолија и се остава во фрижидер еден час.
Истото се повторува и со помалата топка.
Рерната се загрева на 200 степени, тавчето се премачкува со масло.
Со сукало прво се отвора поголемата кора – да биде поголема од тавата.
Со сукалото се пренесува во тавата и се става филот.
Истото се прави и со помалата кора – се става со сукалото и со разнишување се формираат набори.
Од ивиците на првата кора кои висат преку тавата, се прави витка.
Се премачкува со путер и се прободува горната кора на неколку места.
Се пече 35 минути.
Кога е готов се прска низ прсти со малку вода, се покрива со кујнска крпа и се остава да излади половина час.
