Црвенкапа колачот е еден од оние десерти што освојуваат уште на прв поглед, а потоа и на првиот залак.
Комбинацијата од мек, воздушест бисквит, нежен ванила крем со милерам и сјаен, киселкасто-сладок прелив од вишни создава совршен баланс на вкусови и текстури.
Овој колач е идеален избор кога ви е потребна брза, а впечатлив домашен десерт – без разлика дали готвите за семејството или за гости кои се најавиле во последен момент.
Благодарение на јасно дефинираните слоеви и освежувачкиот вкус, Црвенкапа колачот е чест избор и за свечени пригоди. За вас подготвивме две верзии на овој колач, пишува НМД. Еве што ви е потребно:
📝 Потребни состојки – РЕЦЕПТ 1
За кора:
• 3 јајца
• 200 г шеќер
• 1 ванилин шеќер
• 100 мл масло
• 150 г цврст јогурт (може и кисела павлака како замена)
• 250 г брашно
• 1 прашок за печиво
• 300 г вишни
За крем:
• 500 мл млеко
• 7 лажици шеќер
• 60 г пудинг од ванила
• 300 г милерам
За прелив:
• 500 мл сок од вишни
• 4 лажици шеќер
• 60 г пудинг од ванила
👩🍳 Начин на подготовка
1. Подготовка на кората
Во длабок сад изматете ги јајцата со шеќерот и ванилин шеќерот додека да добиете светла и пенаста смеса.
Додајте масло и цврст јогурт, па кратко измешајте.
Постепено додајте просеано брашно измешано со прашок за печиво и мешајте додека да добиете мазна смеса.
Смесата сипете ја во намастен и набрашнет плех, рамномерно распоредете ги вишните одозгора и печете на 180 °C околу 20 минути, додека кората да добие златна боја и да биде цврста на допир.
2. Подготовка на кремот
Во мал сад сипете половина од млекото и измешајте го со пудингот. Остатокот од млекото ставете го да зоврие во тенџере, па додајте ја пудинг-смесата и варете со постојано мешање додека да се згусне.
Тргнете од оган и во жешкиот пудинг додајте милерам, мешајќи додека да добиете фин и изедначен крем. Кремот рамномерно распоредете го врз изладената кора и оставете да се лади околу 1 час.
3. Подготовка на црвениот прелив
Половина од сокот од вишни сипете го во тенџере заедно со шеќерот и ставете да зоврие. Во преостанатиот сок измешајте го пудингот.
Кога сокот ќе зоврие, додајте ја пудинг-смесата и варете уште неколку минути додека да се добие густ и сјаен прелив. Топол прелив внимателно распоредете врз кремот, израмнете и оставете колачот целосно да се олади – најдобро преку ноќ.
🔁 Варијации
Наместо вишни, можете да користите јагоди, шумско овошје или малини, како и нивен природен сок за прелив.
🍰 ЦРВЕНКАПА – кремаст колач со вишни што секогаш остава впечаток
Колачот Црвенкапа не е само визуелно привлечен, туку и внимателно избалансиран десерт со нежен бисквит, богат крем и освежителен вишнев прелив.
Благодарение на комбинацијата од квалитетни состојки и прецизна постапка, овој колач е чест избор и за домашни слави, и за професионални слаткарници.
Идеален е кога сакате десерт што изгледа луксузно, а се подготвува сигурно и проверено, пишува НМД. Еве што ви е потребно:
🧾 Потребни состојки – РЕЦЕПТ 2
За кора:
• 3 јајца
• 125 g шеќер
• 230 g брашно
• 100 ml масло
• 200 ml млеко
• 1 лажица мед
• 5 g есенција од ванила
• 50 ml ракија/ликер од вишни
• 200 g вишни (без семки)
• 5 g прашок за печиво
За крем:
• 2 жолчки
• 125 g шеќер
• 35 g мед
• 35 g брашно
• 30 g скроб
• 400 ml млеко
• 5 ml есенција од ванила
• 500 g крем сирење/свежа урда
• 250 ml слатка павлака
За прелив од вишни:
• 400 ml сок од вишни
• 30 g скроб
• 10 g желатин
📐 Димензии на плех: 35 × 25 cm
🔥 Печење: 180 °C, 20 минути
❄️ Ладење: најмалку 2 часа во фрижидер
👩🍳 Постапка
Подготовка на кората
Пенасто изматете ги јајцата со шеќерот додека смесата стане светла и воздушеста. Додека матите, постепено додајте го маслото и есенцијата од ванила. Потоа додајте го брашното и матете додека да се добие мазна, кремаста структура.
Во смесата додајте ја ракијата од вишни, медот и прашокот за печиво, па кратко изматете. Постепено сипете го млекото, мешајќи постојано за да се добие изедначено тесто.
Истурете ја смесата во плех обложен со хартија за печење, рамномерно распоредете половина од вишните одозгора и печете во загреана рерна на 180 °C околу 20 минути.
По печењето, оставете кората да се излади, па дополнително распоредете го остатокот од вишни одозгора за поизразен вкус.
Подготовка на кремот
Во сад измешајте ги жолчките, шеќерот и ванилата со жица за матење. Додајте го медот, скробот, брашното и мал дел од млекото, мешајќи додека да нема грутки.
Потоа додајте го остатокот од млекото и варете на умерен оган со постојано мешање, додека кремот да згусне.
Оставете го сварениот крем целосно да се излади. Во меѓувреме, крем сирењето изматете го со рачен блендер додека да стане мазно и кремасто, па соединете го со оладениот крем.
Слатката павлака изматете ја во цврст шлаг и постепено вмешајте ја во кремот со лесни движења.
Готовиот крем рамномерно распоредете го врз изладената кора и израмнете.
Подготовка на преливот
Во тенџере ставете го сокот од вишни и додајте го скробот. Загревајте на тивок оган со мешање додека да се згусне. Додајте го желатинот (претходно набабрен според упатството) и мешајте додека целосно да се растопи.
Топол, но не врел, прелив сипете врз кремот. Оставете го колачот да се стегне во фрижидер најмалку 2 часа пред сечење и послужување. Постапката погледнете ја во видео прилогот ОВДЕ:
