Секој човек свесно или несвесно избира што сака да биде во животот, но честопати се случува, многумина да не сакаат да бидат одговорни за сопствените неуспеси, па затоа секогаш ги обвинуваат другите за тоа.
Животот е таков – или јаваш, или те јаваат. Вие самите избирате кој ќе бидете. Американскиот поет Ралф Валдо Емерсон на многу убав начин го објасни значењето на ентузијазмот во животот: „Ентузијазмот е еден од најмоќните двигатели на успехот.
Кога правите нешто, го правите со сета своја сила. Внесете ја целата ваша душа во тоа. Дајте му печат со сопствена вредност. Бидете активни, бидете енергични, бидете верни и полни со ентузијазам и ќе ја постигнете својата цел.
Никогаш не се постигнало нешто големо, без ентузијазам.“ Страста во животот и работата е видлива на прв поглед. Ако сакате да станете одлични во сите области на животот, на другите мора да им биде јасно дека уживате во секој чекор од својата работа, во секоја активност.
Ако најдете работа што ја сакате, ќе бидете поуспешни. Ако уживате во своето хоби, зрачите со среќа и љубов. Ако се однесувате така во секој сегмент од вашиот живот, ќе бидете опкружени со луѓе со исти мисли, исти цели и намери.
Најчесто имаме тенденција да ја обвинуваме државата, родителите, пријателите, колегите, партнерите или кој било друг дека тие се виновни за нашето незадоволство или неуспех. Меѓутоа, за извонредност во сите аспекти на животот, мора да се откажеме од сите изговори.
Преземањето одговорност значи дека ние сме одговорни за сите настани во нашите животи, убави и грди. Ако се дружите со погрешни луѓе, наскоро ќе ги преземете нивните навики, мисли и ставови.
Ако сакате да станете одлични во она што го правите, треба да се дружите со позитивни луѓе, проактивни и успешни, а не со оние кои не се. Успешните луѓе веруваат во своите соништа и работат напорно за да ги остварат.
Бидете поупорни и храбри. Осмелете се да ја барате вашата среќа. Повеќето луѓе се откажуваат пред да побараат нешто. Недостиг на храброст е голема пречка што ги тера луѓето да не успеат да направат чекор напред во нивните животи.
Ние мора да ја прифатиме секоја промена (добра или лоша) како уште еден нормален настан во животот што нè учи и ја гради нашата мудрост.
