Традиционална македонска топеница
Топеницата е стар македонски специјалитет кој буди топли спомени од детството. Ова едноставно, но неверојатно вкусно јадење, со својата крцкава кора и богат вкус, е вистинско наследство на македонската кујна.
Совршена за семејни собири, топеницата се служи со сирење, јогурт или туршија, носејќи автентична радост на трпезата, пишува НМД. Еве што ви е потребно:
Потребни состојки:
– 1 кг брашно
– 1 рамна лажичка сол
– 650 мл врела вода
– 200 г маст или путер
– НМД
Постапка:
1. Во длабок сад ставете го брашното и солта. Постепено додавајте ја врелата вода и мешајте со лажица, а потоа замесете тесто со раце или со миксер за тесто.
Месете додека да добиете мазно, еластично и компактно тесто кое не се лепи за површината.
2. Од тестото формирајте долгнавеста векна и исечете ја на 12 еднакви парчиња. Од секое парче обликувајте топче, покријте ги со кујнска крпа или пластична кеса и оставете ги да отстојат 20 минути.
3. Во меѓувреме, растопете 200 г маст или путер.
4. Секое топче развлечете го во тенка кора со големина на поголема чинија.
Секоја кора премачкајте ја со растопена маст и редете ги една врз друга. Последната кора исто така премачкајте ја со маст.
5. Голем плех од рерна намачкајте го со маст или путер. Префрлете го купот кори во плехот и, почнувајќи од средината, со прсти нежно развлекувајте го тестото кон рабовите додека да се исполни целиот плех.
6. Загрејте ја рерната на 180 степени Целзиусови. Печете ја топеницата 30-35 минути или додека да добие златнокафеава коричка.
7. По печењето, извадете ја топеницата од рерна, лесно попрскајте ја со ладна вода и покријте ја со кујнска крпа. Оставете ја кратко да отстои.
8. Со раце искинете ја топеницата на парчиња со средна големина или според желба. Загрејте го преостанатиот дел од маста или путерот и прелијте ја топеницата.
9. Послужете ја топло, во комбинација со сирење, јогурт, кисело млеко или туршија.
Оваа традиционална топеница ќе ја збогати вашата трпеза со автентични вкусови и топлина на македонската кујна. Постапката погледнете ја во видео прилогот ОВДЕ:
