Вирални мекици без месење: Рецепт од 3 состојки што секој може да го направи
Доколку барате брз појадок без квасец, кој не бара месење, чекање или посебни кулинарски вештини, овој вирален рецепт за мекици од 3 состојки е вистинско откритие.
Крцкави однадвор, меки и воздушести одвнатре, овие домашни мекици се подготвуваат за неколку минути, а резултатот е изненадувачки богат вкус и совршена текстура.
Рецептот стана популарен токму поради неговата едноставност – состојките се секогаш достапни, подготовката е лесна, а вкусот е како од добра пекарница. Идеални се за појадок, ужина или брза вечера, пишува НМД. Еве што ви е потребно:
Потребни состојки:
• 4 јајца
• 500 г кисела павлака или цврст јогурт
• 500 г брашно
• 1 кесичка прашок за печиво
• сол по вкус
• масло за пржење
• НМД
Постапка:
Во длабока тава сипете масло со висина од околу 1,5–2 см и вклучете да се загрева на умерена температура. Маслото треба да биде добро загреано, но не премногу жешко.
Во длабок сад скршете ги јајцата и изматете ги со жица додека да се изедначат. Додајте ја киселата павлака и кратко соединете со жицата додека да добиете мазна смеса. Посолете по вкус.
Додајте го просеаното брашно заедно со прашокот за печиво и мешајте додека да се добие еднолично, меко и лепливо тесто без грутки. Тестото не се меси со рака.
Потопете супена лажица во загреаното масло, па црпете од тестото и внимателно спуштајте во тавата. Пред секое ново црпење повторно натопете ја лажицата во маслото, за да се олесни лизгањето на тестото.
Пржете на средно умерена температура. Кога мекиците ќе заруменат од долната страна, превртете ги и пржете од другата страна додека да добијат златна боја.
Извадете ги врз кујнска салветка за да се впие вишокот масло. Послужете ги топли, со сирење, јогурт, домашен ајвар или мед – изборот зависи од вкусот и приликата.
Зошто овој рецепт функционира совршено?
Комбинацијата од јајца и кисела павлака создава природна мекост и воздушеста структура, додека прашокот за печиво овозможува брзо нараснување без квасец.
Ова е одличен пример за економичен домашен рецепт, со минимални трошоци и максимален резултат – идеален за современо семејство што бара практични и исплатливи решенија во кујната.
Постапката погледнете ја во видео прилогот ОВДЕ:
