МЕКИ КИФЛИ КАКО ДУША…Се топат во уста како снег…Најдобриот рецепт што сум го испробала, сите сме воодушевени…Еве што ви е потребно:
ПОТРЕБНИ СОСТОЈКИ:
За тесто:
500 мл топло млеко
1 лажичка шеќер
20 г свеж квасец
800 г брашно + брашно за посипување (околу 100 г)
2 лажички сол
2 јајца
И уште:
100 г маргарин
1 јајце
сусам или семки по желба
ПОСТАПКА:
Во топлото млеко растворете го квасецот со една лажичка шеќер и лажица брашно, па оставете 10-тина минути да се активира. Потоа додајте ги јајцата и соединете.
Во подлабок сад просејте 600 г брашно и помешајте го со солта. Во средината направете вдлабнување и тука сипете го активираниот квасец. Мешајте со лажица додека да се соедини. Потоа додајте уште 200 г брашно и продолжете со мешање.
Кога тестото ќе стане компактно, сипете го врз набрашнета површина и поделете го на три дела. Тоа е меко и малку лепливо, ама такво треба да биде. Обликувајте топки. Тестото оставете го да ферментира 30 минути.
Развлечете една кора и премачкјате ја со 50 г маргарин, преклопете со втора, па и неа премачкјате ја со 50 г маргарин и на крај преклопете со третата кора.
Посипете малку брашно одозгора и развлечете една голема кора со дебелина од 0,5 см. Потоа исечете 24 триаголници.
Филувајте ги по желба и виткајте ги како кроасани. Ако во тестото ставите повеќе шеќер а помалку сол, тогаш можете да ги филувате со џем или крем.
Кифлите наредете гио во плех обложен со хартија за печење, прекријте ги и оставете ги да ферментираат половина час. Потоа премачкајте ги со јајце и посипете ги со сусам.
Печете ги во претходно загреана рерна на 200 степени, 25 минути. Постапката погледнете ја ОВДЕ.
https://youtu.be/WptSpx21hV0?si=UxCuWjt5dXlJublT
