Брзи уштипци со јогурт
Овие брзи уштипци со јогурт се совршен избор за вкусен појадок или ужина кога времето е ограничено, а сакате да подготвите нешто домашно и топло.
Со едноставни состојки и брза подготовка, за само 20 минути ќе имате мека и крцкава закуска на вашата трпеза.
Идеални се кога ви недостасува леб или сакате да го изненадите семејството со нешто ново, пишува НМД. Еве што ви е потребно:
Потребни состојки:
– 1 јајце
– 200 мл течен јогурт
– 400 г брашно
– 1 лажичка сол
– 1 кесичка прашок за печиво
– НМД
Постапка:
1. Во длабок сад изматете го јајцето заедно со течниот јогурт и солта додека смесата стане хомогена.
2. Постепено додавајте го брашното и прашокот за печиво, мешајќи со лажица или рака додека да се формира меко и компактно тесто.
3. На набрашнета работна површина развлечете го тестото во кора со дебелина од 6 до 7 мм.
4. Со нож исечете го тестото на ленти со должина од околу 7 см или според вашата желба.
5. Загрејте масло во длабока тава на средна температура. Пржете ги уштипците, повремено превртувајќи ги, додека да добијат златнокафеава боја.
6. Извадете ги уштипците на хартија за да се впие вишокот масло. Послужете ги топли.
Овие уштипци се вкусни сами по себе, но одлично се комбинираат со сирење, ајвар или јогурт. Уживајте во едноставноста и вкусот! Постапката погледнете ја во видео прилогот ОВДЕ:
