Македонски пинџур – крал на зимницата
Македонскиот пинџур е традиционално јадење кое со својот богат вкус и едноставна подготовка го освојува срцето на секоја трпеза.
Оваа рецепта за пинџур е идеална за подготовка на вкусна зимница што ќе ги разбуди сеќавањата на летото во студените денови.
Со комбинација од печени модри патлиџани, зрели домати и ароматични зачини, пинџурот е совршен додаток на секој оброк, пишува НМД. Еве што ви е потребно:
Потребни состојки:
– 3 модри патлиџани
– 1 голем домат
– 3–4 чешниња лук (или повеќе по вкус)
– 1 врзоп магдонос
– 1 лажичка сол (по вкус)
– Масло за јадење (по потреба)
– 1–2 лажички сува мелена пиперка (буковец)
– НМД
Постапка:
1. Модрите патлиџани избоцкајте ги со вилушка и испечете ги во рерна на 200 °C додека кожата не се збрчка и не омекнат (околу 30–40 минути). Откако ќе се испечат, ставете ги во пластична кеса да отстојат 10–15 минути, а потоа излупете ги и ситно исечкајте ги или испасирајте ги.
2. Лукот ситно исечкајте го и пропржете го во тава со загреано масло на средна температура додека не добие златеста боја.
3. Доматот исечкајте го на ситни коцки и додајте го во тавата со лукот. Динстајте додека доматот не омекне и не пушти сок, мешајќи повремено.
4. Додајте ги исечканите или испасираните модри патлиџани во тавата. Посолете по вкус и продолжете со динстање, мешајќи постојано. По потреба, додајте масло за јадење, бидејќи пинџурот бара повеќе масло за да добие кремаста текстура.
5. Пред крајот на готвењето, додајте сува мелена пиперка (буковец) и добро промешајте. Пинџурот динстајте го додека не добие густа конзистенција и богат вкус.
6. Ситно исечкајте го магдоносот и додајте го во пинџурот непосредно пред да го тргнете од оган. Промешајте и оставете да се излади малку.
7. За зимница, топлиот пинџур ставете го во стерилизирани тегли, добро затворете ги за да се вакуумираат и чувајте ги на ладно и темно место.
Овој пинџур е идеален за сервирање со леб, сирење или месни јадења, а неговата арома ќе ја збогати секоја трпеза. Постапката погледнете ја во видео прилогот ОВДЕ:
