Фото и рецепт: Марија Митровска Сиљаноска
Првпат правам лиснато кифлички и супер излегоа.
Лесни и брзи за приготвување, ви го препорачувам рецептот да си ги направите.
Потребни состојки:
500 мл млеко
3 лажици сол
3 мали лажички шеќер
130 мл масло
4 јајца
2 коцки свеж квасец
1,5 кг брашно или по потреба
Постапка:
Се замесува тестото и веднаш се работи, без стасување.
Тестото се сече на 12 парчиња од кои се прават топчиња.
Се расукуваат, се премачкуваат со путер и се редат едно врз друго по три.
Се расукуваат четири кори, се сечат на триаголници, се виткаат во кифлички и се редат во плех обложен со хартија.
Одозгора се премачкуваат со жолчка и се наросуваат со сусам.
Се печат околу 20 минути на температура од 220 степени.
Фото и рецепт: Марија Митровска Сиљаноска
