Леб без брашно и шеќер што заситува и храни
Ако барате нутритивна алтернатива на класичниот бел леб, овој рецепт е вистинско освежување. Без пченично брашно и без додаден шеќер, но богат со растителни влакна, протеини и здрави масти, овој домашен леб е одличен избор за балансиран појадок или лесна вечера.
Комбинацијата од бадеми, псилиум и ленено семе создава мека структура и природна сочност, без потреба од глутен. Семките додаваат текстура, минерали и пријатна арома, а јогуртот и белките ја прават смесата лесна и воздушеста.
Овој тип леб заситува подолго, што го прави одличен избор за оние што внимаваат на внесот на рафинирани јаглехидрати и сакаат постабилно чувство на ситост во текот на денот, пишува НМД. Еве што ви е потребно:
🟢 РЕЦЕПТ: Протеински леб со бадеми, псилиум и семки
Нутритивен леб без брашно и без шеќер
Потребни состојки:
• 90 г бадеми
• сол по вкус
• 20 г псилиум
• 20 г сусам
• 1 лажичка суво оригано
• 20 г ленено семе
• 10 г прашок за печиво
• 20 г семки од тиква
• 20 г сончогледови семки
• 3 белки (или 3 цели јајца)
• 240 мл цврст јогурт
• масло за премачкување
Постапка:
1. Бадемите, лененото семе, сусамот, псилиумот и сувото оригано сомелете ги додека да добиете фина смеса.
2. Додајте го прашокот за печиво и солта и измешајте.
3. Семките од тиква и сончоглед кратко истостирајте ги во сува тава додека да ослободат арома. Потоа крупно исечкајте ги и додајте ги во сувата мешавина.
4. Белките изматете ги лесно додека да станат пенести.
5. Додајте го цврстиот јогурт и сипете ја течната смеса во сувите состојки. Мешајте додека да добиете густа и компактна смеса.
6. Калапот намастете го со малку масло и посипете сусам за полесно вадење или обложете со хартија за печење.
7. Сипете ја смесата и израмнете ја површината.
8. Премачкајте одозгора со малку масло и посипете дополнително сусам.
9. Печете во претходно загреана рерна на 180°C околу 40–45 минути, додека да добие златна боја.
10. Оставете го лебот целосно да се излади пред сечење, за да ја задржи формата и текстурата.
Нутритивна вредност (приближно)
• Вкупно: околу 1300 kcal
• 12 парчиња
• Околу 110 kcal по парче
Зошто многумина го избираат овој тип леб?
✔️ Не содржи пченично брашно
✔️ Без додаден шеќер
✔️ Богат со растителни влакна
✔️ Содржи протеини и здрави масти
✔️ Заситува подолго
Одличен е во комбинација со урда, авокадо, варено јајце или домашен намаз од свежи билки. Постапката погледнете ја во видео прилогот ОВДЕ:
