Ладна торта повкусна од руската салата – класично уживање
Оваа традиционална свечена торта од мешан зеленчук, сувомеснато и крем од павлака и мајонез, позната и како „bolo frio de frios“, е вистински хит на семејните прослави, родендени и неделни ручеци.
Нежна, кремаста, полна со вкусови на пршута, кашкавал, пченка и зеленчук, а прелиена со воздушесто пире од компири – претставува совршена комбинација на носталгија и задоволство што се топи во уста, пишува НМД. Еве што ви е потребно:
Потребни состојки
За полнењето (околу 1,4 кг)
– 250 г пршута или шунка, ситно рендана или сечкана
– 250 г моцарела (или мешавина од моцарела и кашкавал)
– 1 конзерва пченка (200–220 г цедена)
– 1 конзерва грашок (200 г цедена) или замрзнат грашок
– 1 среден морков, ситно рендан
– 80–100 г маслинки, ситно исечкани
– 200 г мајонез
– 200 г кисела павлака
– сол и црн пипер по вкус
– по желба: оригано, нане, ситно сецкан влашец или млад кромид
– НМД
– тост леб по потреба
За облогата од пире од компири
– 1 кг компири, варени со сол
– 100 г кисела павлака
– 150–200 г мајонез (додавајте постепено додека да добиете кремаста текстура)
– малку сол по вкус
За декорација (по желба)
– мелен чипс од компир
– чери домати
– маслинки
– ливчиња магдонос
– малку рендан морков или пршута за рози
Калап за ролати, долг, тесен и висок: 28х7 см
Готовата торта тежи околу 2,1–2,2 кг
Постапка
1. Прво подгответе го пирето од компири. Излупените компири сварете ги во посолена вода додека да омекнат целосно. Исцедете ги и додека сѐ уште се топли, испасирајте ги во пире.
Додајте павлака и постепено мајонез додека да добиете мазен, но цврст крем погоден за мачкање. Пробајте и досолете по потреба. Ставете го во фрижидер да се стегне.
2. Во голем сад ставете ја ренданата пршута и моцарелата. Додајте процедена пченка, грашок, рендан морков и исечкани маслинки. Промешајте убаво.
3. Додајте 200 г мајонез и 200 г павлака. Мешајте додека да се соедини сè во густа, кремаста смеса. Пробајте и зачинете со сол (внимавајте – пршутата и кашкавалот се солени), црн пипер и по желба оригано или други зачини.
Целта е полнењето да биде многу кремасто и компактно, па доколку е потребно додајте уште малку мајонез или павлака.
4. На дното од калапот редете слој тост леб (или обичен леб без кора). Премачкајте го со малку мајонез (по желба). Потоа ставете дебел слој од полнењето.
Повторете: леб – полнење – леб – полнење, додека да го наполните калапот речиси до врвот (оставете 5–6 мм за пирето). Последниот слој треба да биде леб.
5. Покријте со пластична фолија и ставете во фрижидер најмалку 6 часа, а најдобро преку ноќ – за лебот убаво да омекне и вкусовите да се соединат.
6. Пред сервирање, превртете ја тортата на соодветна подлога (како кај класичните торти). Внимателно тотстранете го калапот.
7. Премачкајте ја целата торта со пирето од компири – прво страните, потоа горната површина. Направете убави бранови или рози.
8. По рабовите на дното и на врвот направете декоративни „гирланди“ од пире. Потоа посипете со мелен чипс од компир за дополнителен ефект.
9. Украсете со чери домати пресечени на половина, маслинки, ливчиња магдонос и мали рози од пршута или морков.
10. Послужете ја добро разладена. Секое парче открива богати слоеви на вкус и прекрасна текстура.
Оваа торта е вистински празник за сетилата – убава за гледање, а уште повкусна за јадење. Пријатно! Постапката погледнете ја во видео прилогот ОВДЕ:
