Овие тулумби без јајца се толку крцкави што ќе ги правите постојано
Ако барате едноставен, економичен и совршено крцкав десерт без рерна и без јајца, овие домашни тулумби се вистински избор.
Однадвор златно-крцкави, однатре меки и сочни, натопени во ароматичен шербет – идеални за празници, гости или како слатко уживање со кафе.
Овој рецепт е особено популарен кај љубителите на посни десерти, традиционални рецепти и брзи слатки без јајца, а воедно е одличен и за сите што сакаат економично готвење дома, пишува НМД. Еве што ви е потребно:
📝 Потребни состојки
За тесто:
• 750 мл вода
• 3 лажици шеќер
• 3 лажици масло
• 8 г ванилин шеќер
• 375 г брашно
• 120 г пченкарен скроб
За шербет:
• 200 г шеќер
• 360 мл вода
• 8 г ванилин шеќер
• 1 лажица сок од лимон
• НМД
Дополнително:
• масло за пржење
👩🍳 Постапка
1. Во тенџере сипете вода, додајте шеќер, масло и ванилин шеќер. Ставете на оган додека да зоврие.
2. Намалете ја температурата и додајте го брашното и пченкарниот скроб. Мешајте енергично додека да добиете компактно тесто што се одвојува од ѕидовите на тенџерето.
3. Тргнете го тестото и префрлете го на работна површина. Премесете го додека да стане мазно и еластично, па ставете го во кеса и оставете го да одмори.
Подготовка на шербет:
1. Во тенџере сипете шеќер, вода и ванилин шеќер.
2. Ставете на оган додека да зоврие, потоа додајте сок од лимон.
3. Варете 8 минути на умерена температура додека да се згусне.
4. Тргнете го од оган и оставете го целосно да се олади.
Формирање и пржење:
1. Ставете го тестото во шприц со ѕвездест отвор.
2. Истискувајте тулумби со саканата големина (или една лента, па сечете еднакви парчиња).
3. Пржете ги во загреано масло, со повремено превртување, додека да добијат златно-кафеава боја.
4. Веднаш префрлете ги во ладниот шербет.
5. Оставете кратко да впијат, па извадете ги. Повторете ја постапката додека да се потроши тестото.
💡 Совети за совршени тулумби
• Шербетот мора да биде ладен, а тулумбите топли – тоа е клуч за сочност.
• За подобра текстура, користете подлабоко тенџере со стабилна температура на масло.
• Ако сакате поинтензивен вкус, додајте кора од лимон или портокал во шербетот.
• Постапката погледнете ја во видео прилогот ОВДЕ:
