КОРНЕТ ТОРТА: Совршено кремаста, се топи во уста, една состојка и дава неверојатен вкус. Совршено уживање како измислено за секој период од годината. Една од најсовршените торти на која никој не може да одолее. Еве што ви е потребно:
ПОТРЕБНИ СОСТОЈКИ за кори: 12 јајца, 12 лажици шеќер, 12 лажици мелени лешници, 3 супени лажици мелени бисквити/трошки, 3 лажици рендано чоколадо. Сируп: 300 мл млеко, 100 г шеќер, 100 г чоколадо
Фил од чоколадо: 6 јајца, 300 г шеќер, 150 г чоколадо, 350 г путер, 150 г мелени лешници. Корнет-фил: 500 мл слатка павлака, 3 кесички шлаг, 50 + 50 г пржени, крупно мелени (или сечкани) лешници, 50 + 50 г рендано чоколадо
ПОСТАПКА за кори: од горенаведените состојки се печат 3 кори со димензии 20 х 34 см. За една кора се матат 4 белки со 50 г шеќер во цврст снег. Во посебен сад се матат 4 жолчки со 50 г шеќер, па се додаваат 80 г ситно мелени лешници, 1 лажица мелен бисквит и 1 полна лажица рендано чоколадо и се меша внимателно.
Во смесата додајте 2 лажици снег од изматени белки, внимателно измешајте, па додајте го остатокот од снегот и сè бавно и внимателно измешајте за да остане смесата пенлива и водушеста.
Смесата истурете ја во калап со димензии 20х34 см и печете во загреана рерна на 180 степени околу 15-20 минути. Додека третата кора се пече, подгответе го сирупот.
Откако ќе се испечат сите три кори, прелијте ги со топол сируп, внимателно премачкајте го секој дел од кората со четка и оставете ги да се изладат и оставете сирупот да се впие во корите.
Сируп: Во млекото ставете ги шеќерот и сечканата чоколада за готвење и загрејте додека да се стопат шеќерот и чоколадото со постојано мешање.
Фил со чоколадо: се матат јајцата и шеќерот и се ставаат на пареа да се варат со постојано мешање со жица. Смесата треба да побели и да се удвои во големина или дното на тавата во која се прави да достигне температура од 80 степени.
Се трга од пареа и се промешува сечканата чоколада и се остава да се излади на собна температура. Кога чоколадниот дел ќе се излади, изматете го путерот, па додадете го чоколадниот дел и изматете. Во соединетата смеса додајте мелени лешници.
Корнет-фил: Изматете половина литар слатка павлака и додајте крупно мелени или сечкани лешници и рендано темно чоколадо. Изматете три креми за шлаг според упатството на кесичката и на нив додајте крупно мелени или сечкани лешници и рендано темно чоколадо.
На првата кора се става половина од чоколадниот фил, па врз неа се става половина од корнет-филот од слатка павлака, па втората кора, остатокот од чоколадниот фил и остатокот од корнетот. Потоа ставете ја третата кора и тортата ставете ја во фрижидер еден час.
Откако ќе се излади, израмнете ги рабовите на колачот, ставете шлаг од кесичка и убаво покријте ја целата торта. Повторно ставете го во фрижидер и послужете добро изладено. Видеопрезентацијата погледнете ја ОВДЕ.
За повеќе рецепти заследете ја NMD.mk, лајкнете ја и споделете ја нашата страница. Следно прочитајте: „ЗИМСКА ФЕРЕРО ТОРТА: Неодолива комбинација од чоколадо и лешник“ – ОВДЕ.
ЗИМСКА ФЕРЕРО ТОРТА: Неодолива комбинација од чоколадо и лешник
