Кипар колачот на чаша е еден од оние традиционални десерти што со години опстојуваат поради својата едноставност, ниска цена и сигурен резултат.
Се подготвува без комплицирани техники, со состојки што најчесто веќе ги имате дома, а резултатот е сочен бисквит натопен со сируп, богат ванила-крем и лесен завршен слој.
Идеален е за семејни собири, празници и ситуации кога сакате десерт со професионален изглед, а минимален трошок – комбинација што ја препорачуваат и многу домашни и професионални слаткари, пишува НМД. Еве што ви е потребно:
Основни информации
• Калап: 24 × 24 cm
• Мерка: чаша од 200 ml
• Време на подготовка: околу 30 минути
• Време на печење: околу 30 минути на 170 °C
• Ладење: најмалку 2 часа
Потребни состојки
За шербет
• 2 чаши вода
• 1 и ½ чаша шеќер
• 1 ванилин шеќер (по желба)
За бисквит
• 3 јајца
• ½ чаша шеќер
• 1 ванилин шеќер
• ½ чаша масло
• 1 чаша лебни трошки (презла)
• 1 чаша кокос
• 1 чаша ситно сечкани ореви
• 1 прашок за печиво
За крем
• 1 литар млеко
• ½ чаша шеќер
• 1 ванилин шеќер
• 1 чаша густин
• 1 кесичка шлаг-пена во прав
Постапка
1. Подготовка на сирупот
Во тенџере сипете вода и шеќер. Ставете на умерен оган и оставете да зоврие. Варете 3–4 минути, тргнете од оган и оставете малку да се излади. По желба, додајте ванилин шеќер.
2. Подготовка на бисквит
Во подлабок сад изматете ги јајцата со шеќер и ванилин шеќер додека смесата да побели. Додајте масло, па презла, кокос, ореви и прашок за печиво. Мешајте додека да добиете изедначена смеса.
Истурете во подмачкан калап и печете на 170 °C околу 30 минути, додека бисквитот добие рамномерна златна боја.
3. Подготовка на крем
Во околу 300 ml млеко разматете густин, шеќер и ванилин шеќер. Останатото млеко ставете го да зоврие, па додајте ја разматената смеса и варете со постојано мешање додека да се згусне како пудинг.
Оставете целосно да се излади, потоа изматете со миксер и додајте ја шлаг-пената во прав. Матете уште околу 2 минути, додека кремот стане мазен и воздушест.
4. Финално спојување
Врелиот бисквит рамномерно прелијте го со млаката агда.
Откако целосно ќе ја впие течноста и ќе се излади, нанесете го кремот, порамнете и посипете со кокос.
Ставете во фрижидер најмалку 2 часа пред сечење. Постапката погледнете ја во видео прилогот ОВДЕ:
