Кокосови „хурмашици“ – неодолив десерт за сечиј вкус
Хурмашиците се традиционален десерт што освојува со својата крцкава текстура и сладок вкус натопен во ароматичен сируп.
Овој рецепт за кокосови хурмашици е едноставен, а резултатот е вистинска посластица што ќе ги воодушеви вашите сетила и ќе стане омилен на вашата трпеза, пишува НМД. Еве што ви е потребно:
Потребни состојки
За тестото:
200 г путер (или маргарин)
1 јајце
1 жолчка
100 г шеќер
2 лажици кисела павлака
50 г кокосово брашно
400 г пченично брашно
0,5 кесичка прашок за печиво
НМД
За сирупот:
600 г шеќер
600 мл вода
1 кесичка ванилин шеќер
Постапка
1. Во сад за матење, соединете го путерот, јајцето, жолчката и шеќерот. Матете додека да добиете хомогена смеса.
2. Додајте ја киселата павлака и кокосовото брашно, па постепено вметете го пченичното брашно измешано со прашокот за печиво. Месете додека да се формира меко и еднолично тесто.
3. Завиткајте го тестото во проѕирна фолија и оставете го во фрижидер да отстои околу 30 минути.
4. Во меѓувреме, подгответе го сирупот. Во тенџере, соединете го шеќерот, водата и ванилиниот шеќер. Ставете ја смесата да се вари на средна температура.
Откако ќе зоврие, намалете ја температурата и оставете ја да крчка уште 10 минути. Потоа, тргнете го сирупот од оган и оставете го целосно да се излади.
5. Од тестото формирајте топчиња со големина по ваша желба. Секое топче обликувајте го во валчест облик, па лесно притиснете го врз ренде за да добиете карактеристична текстура.
Завиткајте ги краевите на валјакот навнатре за да се формираат хурмашиците.
6. Редете ги обликуваните хурмашици во плех.
7. Печете во загреана рерна на 200 °C околу 25 минути или додека не добијат златнокафеава боја.
8. Топлите хурмашици прелејте ги со ладниот сируп и оставете ги да отстојат додека целосно го впијат сирупот и се изладат.
9. Послужете ги хурмашиците на собна температура или измадени и уживајте во нивниот неодолив вкус.
Овие кокосови хурмашици се совршени за празнични пригоди или за секојдневно уживање со шолја кафе или чај.
