Кегеловите вежби помагаат во зајакнување на карличните мускули по породувањето и о перација и се голема помош во лекување на ин-континенција – неконтролирано мокрење.
Именувани се по д-р Арнолд Кегел, гинеколог кој ги дизајнирал. Вежбите не бараат напор за нивна изведба и не одземаат многу време, но со сигурнист ќе бидат од голема помош за жените и мажите. Се препорачува да ги прават и оние кои се здрави.
Мускулите на карлицата ги опкружуваат отворите на уретрата, а нусот и ва-ги-на-та кај жените. При состојба на контракција овозможуваат мокрење и празнење на столицата.
Мускулите на карлицата ги одржуваат карличните органи (мочен меур, матка, ректум), што е особено важно при дигање тешки предмети, кашлање, кивање, смеење и сите активности што доведуваат до зголемување на притисокот во абдоминалната празнина.
Во случај мускулите на карлицата да ослабат (атрофираат), може да настане пролапс на карличните органи или неконтролирано испуштање на урина – ин-континенција.
Кегеловите вежби се вежби за зајакнување на карличните мускули кај жените, но исто така и кај мажите. Мускулите на карлицата може да ослабнат по породувањето, по гине-колошки операции кај жени, по операција на простата кај мажи, стареење, неконтролирано зголемување на телесната тежина итн.
Кегеловите вежби се користат во третманот и спречувањето на ин-континенција – неконтролирано испуштање на урина и пролапс, спуштање на карличните органи.
Тие се исто така корисни во контролирање и спречување на формирање на хемороиди, бидејќи вежбањето исто така ја подобрува циркулацијата во таа област. Затоа се препорачува превентивно да ги користат и здравите луѓе.
Како да се изведуваат Кегеловите вежби?
Пронајдете тивка просторија, легнете на грб и затегнете ги и опуштете ги карличните мускули. Понекогаш ќе бидат потребни неколку обиди да ги затегнете вистинските мускули. Бидете внимателни да не ги користите стомачните или мускулите на нозете и да не го задржувате здивот.
Можете да ги почувствувате мускулите на карлицата на неколку начини: Доколку не знаете како правилно се изведуваат Кегеловите вежби, најдобро е тоа да го направите додека ури-нирате за да почувствувате како навистина да ги затегнете карличните мускули.
Додека ури-нирате, задржете ја урината на неколку секунди, а потоа продолжете со ури-нирање. „Задржувањето“ е всушност тоа како правилно да ги затегнете овие мускули. Задржувањето на урината не се препорачува бидејќи може да предизвика инфекции на мочниот меур и посериозни проблеми доколку постојано го практикувате.
Потребно е само еднаш да го направите ова за да почувствувате како треба да изгледа Кегеловата вежба. Испразнете го мочниот меур, опуштете ги мускулите и дишете правилно. Вежбите можете да ги изведувате во лежечка, седечка или стоечка положба.
Затегнете ги мускулите на карлицата и обидете се да ги задржите затегнати 5 секунди. Бидете внимателни да не ги користите мускулите на нозете и стомакот. Потоа, опуштете ги мускулите околу 10 секунди.
По серија од 5 вежби, одморете се неколку минути, а потоа повторете го процесот уште 10 пати додека да ја постигнете дневната цел од 50 Кегелови вежби. Со текот на времето, обидете се да го продолжите времето на мускулна контракција на околу 20 секунди.
Комбинирајте ги бавните Кегелови вежби со неколку брзи во кои ќе ги затегнете и опуштите мускулите без да се воздржувате. Ваквите Кегелови вежби помагаат во зајакнување на мускулните влакна чија функција е особено важна во моментите на зголемен притисок во абдоминалната празнина (при смеење, кивање, кашлање и сл.)
За да забележите резултати, потребно е да вежбате најмалку 5 месеци без да направите исклучок. Прекинот на вежбањето може да ги ослабе карличните мускули и да не ја постигнете посакуваната цел.
Забелешка: Вежбите не треба да се изведуваат за време на мокрењето, бидејќи тоа може да доведе до инфекции на уринарниот тракт, ослабување на мускулите на карлицата и оштетување на мочниот меур и бубрезите. Постојат различни вежби што можете да ги користите за уште подобри перформанси. Некои од нив се:
Прва Кегелова вежба
Седнете на земја и свиткајте ги колената кон вас, вдишете и затегнете ги мускулите на карлицата. Додека ги држите мускулите цврсто 5 секунди, исправете ги нозете во колената. Потоа, опуштете ги мускулите и вратете се во првобитната положба на свиткани колена.
Втора Кегелова вежба
Легнете на грб, свиткајте ги колената под прав агол и затегнете ги карличните мускули додека истовремено ја поткревате карлицата од земјата. Обидете се да се држите во оваа позиција 5 секунди, а потоа со спуштање на карлицата кон земјата, опуштете ги и мускулите.
Трета Кегелова вежба
Клекнете и потпрете ги раширените раце на подот, вдишете, затегнете ги мускулите на карлицата и подигнете ја карлицата кревајќи го долниот дел од ‘рбетот. Останете во оваа положба 5 секунди, а потоа издишете и опуштете ги мускулите со спуштање на ‘рбетот.
Кегелови вежби за мажи
Ослабените мускули се причина за развој на ин-континенција и е ректилна дисфункција. Мажите треба, покрај лекувањето на ин-континенцијата да изведуваат Кегелови вежби пред и по операцијата за карцином на простата, бидејќи при оваа состојба мускулите на карлицата слабеат.
Вежбањето исто така ја намалува потребата за честото ноќно мокрење и ја намалува болката и отокот при бенигно зголемување на простатата. Мажите ги изведуваат вежбите на ист начин како и жените. Важно е пред тоа да се испразни мочниот меур, да не се користат мускулите на нозете и стомакот и да се дише правилно. Текстот за НМД.мк го напиша Мартина Христовска
