КАЛИФОРНИСКА САЛАТА СО ШПАГЕТИ…Освежителен рецепт со богат вкус, а може да биде и ПОСЕН оброк…
Оваа шпагети-салата е инспирирана од кулинарската авантура на Лила.
Иако подготовката е релативно брза и многу едноставна, резултатот е свежа, шарена и вкусна салата совршена за летни денови, време на пост или забави со пријателите.
Подгответе се за едноставно, вегетаријанско уживање кое носи калифорниска леснотија во секој залак.
Салатата е збогатена со рендан пармезан, но сите кои постат или одбегнуваат продукти од животинско потекло – нека го изостават од рецептот, пишува НМД. Еве што ви е потребно:
Потребни состојки:
За салатата:
– 250 г тенки шпагети (тенки за полесно мешање)
– 1 средна тиквичка, исечена на коцки
– 200 г чери домати, преполовени
– 1 краставица, исечена на коцки
– 1 црвена пиперка, исечена на коцки
– 1 зелена пиперка, исечена на коцки
– 1 мала главица црвен кромид (околу 100 г), ситно исечкан
– 1 конзерва црни маслинки (200 г, исцедени)
За дресингот:
– 250 мл зестy италијански дресинг (ако немате готов дресинг, подолу можете да ги најдете состојките и како да го приготвите)*
– 2 лажици рендан пармезан
– 1 лажичка сув босилек
– 1/2 лажичка лук во прав
– 1/2 лажичка мелен црн пипер
– 1 лажичка мед (за баланс на вкусот)
– сол по вкус
– НМД
За гарнирање (опционално):
– Малку свеж магдонос, ситно исечкан
– Екстра пармезан
*За 250 мл италијански дресинг:
– 150 мл растително масло (маслиново, ако имате)
– 70 мл оцет (или сок од лимон)
– 1 лажица шеќер
– 1 лажичка сол
– 1/2 лажичка мелен пипер
– 1 лажичка мешавина од зачини
– 1/2 лажичка сува зачинска пиперка (за боја и вкус)
Корисни алатки:
Мултисечко за зеленчук, цена ОВДЕ. Садови за чување зеленчук, цена ОВДЕ. Големо тенџере, цена ОВДЕ. Комплет тенџериња, цена ОВДЕ. Стаклено тенџере, цена ОВДЕ. Нелепливо тенџере, цена ОВДЕ.
Миксер, цена – ОВДЕ. Кујнска вага, цена ОВДЕ. Калап за печење, цена ОВДЕ. Цедалка за лимон, цена ОВДЕ. Силиконска шпатула, цена ОВДЕ. Машина за мелење ореви, цена ОВДЕ.
Кујнски крпи, цена ОВДЕ. Садови со капаци во разна големина, цена ОВДЕ. Нелепливи 3 силикони, цена ОВДЕ. Кутија за колачи, цена ОВДЕ. Жица за матење, цена ОВДЕ.
Постапка:
Сварете ги тенките шпагети во големо тенџере со зовриена, солена вода според упатството на пакувањето (обично 6-8 минути).
Откако ќе се сварени, исцедете ги и исплакнете ги со ладна вода за да се запре готвењето и да не се залепат.
По желба можете да ги посипете со малку масло, да ги промешате и да ги оставете ги настрана да се изладат.
Додека шпагетите се ладат, исечкајте ги тиквичката, чери доматите, краставицата, црвената и зелената пиперка на мали, еднакви коцки.
Ситно исечкајте го црвениот кромид – мала количина е доволна за вкус без да го надвладее јадењето. Исцедете ги црните маслинки и оставете ги настрана.
Во средна чинија, измешајте го италијанскиот дресинг со пармезанот, босилекот, лукот во прав, црниот пипер и медот.
Промешајте добро додека се соединат вкусовите. Пробајте и додајте сол ако е потребно – пармезанот веќе носи соленост, па внимавајте.
Во голем сад (може и длабок плех), ставете ги изладените шпагети. Додајте ги исечканите зеленчуци и маслинките.
Прелијте го дресингот врз смесата и добро измешајте со лажица или кујнски „клешти“ за салата додека сè се премачка рамномерно.
Совет: Ако имате време, оставете ја салатата да отстои 15-20 минути за да се впијат вкусовите.
Посипете со малку свеж магдонос и екстра пармезан за финална нота.
Послужете ја ладна – идеална е за пикник, забава или лесен оброк. Чувајте ја во фрижидер во херметички сад до 3 дена.
Уживајте во оваа летна шпагети-салата и испратете малку кали-љубов од нас! Деталите од постапката можете да ги погледнете во видеото ОВДЕ:
