Сигурно ќе си помислите: „Како ли не не го знаев овој рецепт досега?“ Одлична идеја како да јадете повеќе зеленчук вие и вашите деца, приготвен на многу вкусен начин. Многу брзо и лесно се подготвува. Еве што ви е потребно:
ПОТРЕБНИ СОСТОЈКИ: половина главица зелка (500 г), 1 голем морков, 1 грст свеж магдонос, 4-5 јајца, 1 мала лажичка сол (8 г), 1/2 чаша млеко (90 мл), 3 супени лажици брашно (80 г), 1 мала лажичка црн пипер или по вкус, 4 супени лажици растително масло (25 мл), сусам за наросување одозгора.
ЗА СОС: 1 голем морков (или 2 помали), 2 чешниња лук, 3 супени лажици маслиново масло (20 мл), свеж магдонос и 3 супени лажици цврст јогурт или кисела павлака (160 г)
ПОСТАПКА: Пита-палачинката можете да ја испечете во рерна (под фолија), а ние ќе ви презентираме како да ја испечете во тавче на рингла. Најрпво измијте го зеленчикот и исчистете го од евентуални дамки. Зелката ситно исечкајте ја, магдоносот исто така, а морковот изрендајте го.
Потоа зеленчукот ставете го во еден поголем сад и измешајте го. Во посебен сад изматете четири јајца и посолете ги со една лажичка сол. Додајте 90 мл млеко, 80 г брашно и малку црн пипер по вкус (со зелката одговара и повеќе црн пипер, но не повеќе од една ипол лажичка).
Матете сè додека да исчезнат сите грутчиња. Треба да добиете убава течна и мазна смеса, со конзистенција на јогурт, односно како тесто за палачинки. Излејте ја во зеленчукот и промешајте. Потоа во нелеплива тава ставете околу 3 лажици масло (20 мл) да се загрева на умерена температура. Добро намастете ги и ѕидовите на тавата за да се создаде нелеплив ефект.
Излејте ја содржината во загреаната тава, распоредете и израмнете. Одозгора наросете сусам. Поклопете одозгора со капак и оставете да се готви пет минути на умерена температура. Со шпатула поткренете ја питата-палачинка и проверете дали дното е заруменето, па превртете ја врз широка чинија.
Во тавата повторно налејте малку масло, почекајте една минута да се загрее, па вратете ја „палачинката“ да се испече и од другата страна. Поклопете со капакот и печете уште три минути. Проверете дали е заруменета, па извадете ја врз чинија.
ЗА СОС: Исчистете го и изрендајте го морковот, додајте две чешниња лук ситно исечкани или рендани, налејте малку маслиново масло (20 мл) и запржете го зеленчукот на умерена температура додека да омекне. Тргнете на страна да се олади.
Настрана ситно исечкајте свеж магдонос околу половина китка или еден грст, па додајте 160 кисела павлака или цврст јогурт, промешајте и додајте го омекнатиот и оладен морков. Зачинете доколку сакате по вкус и убаво промешајте за да се изедначат состојките.
Исечете ја питата- палачинка и послужете ја со вкусниот сос. Ова јадење е многу повкусно од месо, а лесно и брзо се приготвува, одлично за појадок или вечера, а може да се послужи и за ручек. Деталите од целата постапка можете да ги погледнете во видеото ОВДЕ.
