ХИТ ПОСНА САЛАТА СО КИКИРКИ: Здрава, веганска, нова урнебес и хит на славските трпези – НА ВОДА! Оваа салата е новиот фаворит, особено сега, во текот на постот.
Кој не го знае рецептот и не знае од што е направена, ќе ви тврди дека во неа има кашкавал, а не само што нема ниту кашкавал, ниту сирење, и не само што оваа салата е посна, туку таа исто така, е НА ВОДА!
Сите оние кои постат од религиозни причини ќе го разберат и моето воодушевување од овој рецепт. Исто така, идеална е за посна славска трпеза. Еве што ви е потребно според рецептот на Милена:
ПОТРЕБНИ СОСТОЈКИ:
200 г печени пиперки
сок од 1/2 лимон
1/2 лажичка сол или по вкус
100 г печени кикирики (маринирани во сол)
100 г маринирани шампињони
2+1 лажици сусам
250 г јогурт од соја (цврст соин јогурт со конзистенција на к.павлака)
ПОСТАПКА:
Можете да користите од есенските печени пиперки кои сте ги складирале во замрзнувач, излупени, исчистени од дршките и семето и исцедени од сокот кој го пуштиле. Потребни ви се 200 г исчистени, испечени пиперки. Исечете ги на ситни коцкички.
Печурките исцедете ги од маринадата (тие се полни со сокови, па истискајте ги за да излезе вишокот), исечкајте ги ситно и додајте ги во пиперките. Зачинете со сол и лимонов сок.
Потоа додајте ги мелените кикирки кои се маринирани/печени само во сол, а не пржени во масло, 2 супени лажици пропжен сусам (во сува тава колку да замириса).
На крај додајте го соиниот јогурт кој е без додаток на масло. Оваа салата е многу здрава и не содржи масти ниту мајонези и нема потреба од додавање на други состојки, зашто сама по себе е многу вкусна.
Евентуално, секој по желба може да додаде сосем малку сенф, ако го сака тој вкус. Салатата добро измешајте ја и претурете ја во садот за послужување. Одозгора посипете една лажица сусам.
Салатата може веднаш да се послужи. Се чува добро затворена во фрижидер, до 3-4 дена го сочувува свежиот вкус. Деталите од постапката погледнете ги во видеопрезентацијата на Милена ОВДЕ.
