Гравот подгответе на овој начин и заборавете на гасовите и подуеноста во стомакот. Сите го сакаме гравот, не само поради неговиот вкус и текстура, туку и поради тоа што содржи здрави протеини, заcитува, па идеален е доколку внимавате на килогpaмите.
Меѓутоа, гравот тешко се вари во стомакот и предизвикува гасови и дуење, што кај некои луѓе претставува вистински проблем. Порано, во македонските семејства ова вкусно јадење често се имаше на трпезата, а речиси редовно се подготвуваше во петоците, кога многумина постат.
Меѓутоа, се чини дека поради овие дигестивни пречки, гравот е сè помалку застапен на менито и сè помалку го готват младите домаќинки и домаќини. Подувањето на стомакот и појавата на гасови се толку честа појава, што веќе станаа и предмет на шега кај нашиот народ.
И претходно, заедно со читателите на НМД се осврнавме на овој проблем, а овојпат за оваа проблематика говореше народниот билкар Момчило Антонијевиќ, кој објасни дека тегобите со стомакот по јадењето на вкусниот грав може да се решат на два начина.
Веројатно, повеќето од вас, кои и претходно зедоа учество во дискусијата на оваа тема, нема да се изненадат, дека според билкарот, решението и во двата начини се крие во лековитата билка – нането.
Ова растение, од кое се прави и чај, без разлика дали е свежо или суво, е добро познат сојузник на добрата дигестија, а еве како ги отcтранува гасовите и надуеноста.
„Голема штета е што нането повеќе не се користи, и тоа правилно, во нашата кујна“, рече Антонијевиќ за РТС. „Во грав и зелка, кои тешко се дигестираат и предизвикуваат дуење на стомакот, најдобро е да се додаде нане и на тој начин да се спречат овие проблеми.
Нането треба да го додадете пред самиот крај, затоа што ако го додадете на почетокот, со долгото готвење ќе исчезнат сите лековити својства и на крај нема ништо да добиете. Значи, додајте го нането на самиот крај од готвењето“, објасни тој.
Нането е многу ароматично растение, па можно е малку да го промени вкусот на храната, но има решение и за тоа. Ако не сакате да се откажете од вкусот на гравот, пијте го чајот после јадење.
„Нането може да го смени вкусот на храната, па затоа секогаш би ве советувал да си го подготвите гравот на традиционален начин, а потоа да испиете силен чај од нане“, советуваше тој.
НАЧИНОТ НА КОЈ ИВАНА ГО ГОТВИ ГРАВОТ И ВЕЌЕ НЕМА ПРОБЛЕМ СО ГАСОВИТЕ – Без нане
Го обожувам гравот, но ми прави страшни непријатности – ми coздава гасови и ми го дуе стомакот, понекогаш и два-три дена. Што сè не направив: додавав сода бикарбона во варењето, ким, нане, оцет додека го јадев и секојпат со страв дека ќе ми направи проблем.
За среќа една пријателка ми откри еден трик и оттогаш немам мака со гравот. Потребни состојки: 450 г грав и 10 шолји вода
Постапка: гравот исчистете го, налејте го со вода и ставете да се готви околу 3-4 минути. Тргнете го од рингла и оставете да отстои во текот на ноќта и до приготвувањето без промена на водата во која се готвеше.
Бидејќи сега е зима можете едноставно да го оставите надвор на тераса, а летно време чувајте го во фрижидер. Следниот ден процедете го, измијте го со ладна вода и налејте нова вода.
Оставете го да проврие уште еднаш колку еден клуч, па и таа вода процедете ја и натаму приготвувајте го по ваш избор. На овој начин од гравот во водата каде киснел излегуваат до 80% несварливи шеќери, кои предизвикуваат отежнато варење и подуеност.
Оттогаш па до денес не знам ни сама колку пати го приготвувавме гравот на разно-разни начини, од полнети пиперки со грав, чорбест грав, тавче гравче… и ниеднаш досега немав проблем со гасови и со тоа непријатно чувство на подуен стомак / Иванчица / НМД.мк
