ФАНТАСТИЧЕН РЕФОРМ РОЛАТ…Овој десерт не смеете да го пропуштите…

Импресионирајте ги вашите гости со овој неодолив десерт. Еве што ви е потребно:

ПОТРЕБНИ СОСТОЈКИ:

10 јајца
8 супени лажици шеќер
200 г ореви
2 лажици брашно

Изматете 10 белки, постепено додавајќи шеќер. Кога смесата ќе стане цврста, рачно додајте 200 г ореви кои претходно сте ги измешале со брашното и нежно измешајте.

Смесата распоредете ја на плех обложен со хартија за печење и ставете да се пече 15 минути во загреана рерна на 180°C.
Мојот плех е 33×43 см.

Кога ќе се испече, после неколку минути, кората свиткајте ја сосе хартијата за печење.

Фил:
10 жолчки
10 лажици шеќер
150 г чоколадо за готвење
150 г путер или маргарин

Изматете ги жолчките со шеќерот додека да згуснат, па сварете ги на пареа околу 15 минути, а потоа додајте го чоколадото и мешајте додека тоа да се растопи. Оставете го филот да се излади, а потоа соединете го со изматениот маргарин или путер.

Филувајте ја кората и свиткајте ја од кратката страна. Свиткајте во хартија и оставете го преку ноќ да се стегне, а следниот ден залијте го со чоколадна глазура.

Чоколадна глазура (растопете и соединете на пареа):
200 мл слатка павлака
100 г чоколадо за готвење

Прелијте го ролатот, а остатокот изладете го, па изматете го како шлаг и потоа декорирајте го ролатот.

Уживајте!

Погледнете го видео рецептот со подготовката ОВДЕ: