После долготрајната зима во која цвеќињата најчесто вегетираат за да ја сочуваат енергијата, напролет им е потребна прихрана за да добијат сила и да го продолжат циклусот на цветање и размножување.
Од памтивек постои еден природен и многу ефикасен раствор кој и денес го користат искусните градинари, особено во производството на органски зеленчук.
Овој раствор се користи за заштита на растенијата од разни болести, за отстранување на пајаците, растителните вошки, прашкаста мувла, габите и многу други штетници. Овој раствор ќе им даде сила на цвеќињата и тие ќе раззеленат и ќе расцутат многу побујно од досега. Во продолжение прочитајте како да го приготвите овој едноставен раствор, пишува НМД.
Без употреба на хемиски пестициди, органските одгледувачи и градинари користат само природни лекови барајќи начини да ги запрат и спречат разните инфекции и штетници кои ги напаѓаат земјоделските култури. За среќа, природата е секогаш подготвена и како лек ни го дава лукот, кој има широка примена во градината.
Активните сулфурни соединенија во лукот делуваат како моќен пестицид, отстранувајќи ги габите и отфрлајќи ги штетниците од изворите на храна. Најдобро од сè, ќе можете да ги заштитите вашите растенија без да оставите штетни xемиски остатоци.
Растворот од лук лесно се прави, а може да се примени на зеленчук, овошје, украсни и зачински растенија, како и собни цвеќиња кои се чуваат во саксии.
Се користи како спреј за лисја, а е ефикасен против вошки, компири, бели муви, црви од зелка, грини, молци, мравки… Ако се користи како третман на почва, водата со лук е ефикасна против нематоди и габи. Сув лук, односно лук во гранули (кој се користи во кујната како зачин) може да се наросува директно во почвата доколку сте забележале дека во неа се развива мувла, габи или постојат некои други заболувања.
За собни цвеќиња пригответе го следниот раствор: една чајна лажичка прелијте со 1 литар топла вода (максимум 60 степени, да не е многу врела), добро промешајте, поклопете и оставете целосно да се олади. Потоа процедете ја течноста низ газа.
Со оваа течност заливајте ги цвеќињата во коренот. Одлично делува за орхидеи, љубичици, сардели но и други цвеќиња. Со оваа течност залевајте ги еднаш на секои 3 до 4 седмици. Доколку растението е нешто болежливо, пригответе поинаков раствор со кој ќе ги прскате листовите.
Лукот е природен фунгицид: активните сулфурни соединенија запираат развој на разни габи и мувла. Тоа е многу ефикасна терапија и превентивна мерка за прашкаста мувла. Природен инсектицид: Кога се користи во комбинација со чили пиперки, лукот ефикасно ги одвраќа глувците, стаорците, зајаците…
Рецепт за раствор од лук за количина од 4-5 литри. ПОТРЕБНИ СОСТОЈКИ: 5-6 крупни чешниња лук и 2 чаши вода. ПОСТАПКА: Лукот излупете го и ситно исечкајте го. Прелијте го со две чаши вода (400-500 мл) во некој стаклен сад, поклопете со тацна и оставете да отстои 24 часа на некое темно место.
Потоа процедете ја течноста и додајте вода за да се разреди и да добиете 4-5 литри течност. Може да се чува во фрижидер до употреба. За нанесување се користи шише со распрскувач и еднаш неделно од сите страни на листовите се прска заразеното место додека да исчезне проблемот.
Исто така, еднаш неделно темелно натопете ја заразената почва за да се ослободите од габите и нематодите. Кога се користи како превентивна мерка, растворот од лук се нанесува еднаш на секои две недели или после дожд. А, еве како се приготвува во комбинација со лута пиперка за да се одбијат поголеми штетници:
Рецепт за појако решение за количина: од 4-5 литри. ПОТРЕБНИ СОСТОЈКИ: 5-6 чешниња лук, 1 пиперка халапено (или друга лута пиперка) или 1 лажица кајен пипер, И 2 чаши вода. Постапката е иста, само што во смесата се додава добро сечкана пиперка или лажица лут пипер во прав. Ако имате блендер, тогаш сè се меша во мазна конзистентна смеса.
Истото се остава да отстои еден ден во стаклен сад (може и во тегла со капак) на темно место и се меша со вода за да се добијат вкупно 4-5 литри. Овој раствор може да се чува и во фрижидер до употреба. Се применува на растенија кои се нападнати од глувци, зајаци и други штетници еднаш на секои две недели или после дожд.
Доколку временските услови (чести дождови) ве принудуваат да го нанесувате растворот почесто, многу е важно тоа да не биде повеќе од два пати неделно на листовите и еднаш неделно како третман на почва.
Клучот за правилна употреба на растворот од лук за растенијата е во умерена употреба. Иако е корисна алатка, може негативно да влијае на корисните микроби во земјата доколку се користи премногу често.
