Овој напиток е сладок тоник кој го стимулира имунолошкиот систем со моќни состојки кои се познати по стимулирачките својства на имунолошкиот систем: јаболков оцет, лук, рен, ѓумбир, кромид, мед и билки.
Постојат бројни варијации на овој концепт, на пример она што обично го користиме кога чувствуваме мала иритација на грлото: мед помешано со испасиран лук и црн пипер. Оригиналниот рецепт е направен од Розмари Гладстон во 1970 -тите.
Нејзината визија беше да ја научи уметноста на размислување за храната како лек. „Огнениот“ напиток доаѓа од класата на тоници „оксимел“ на Грците и Перијците, кој во неговата најосновна форма е оцет и мед. „Оки“ = киселина и „мел“ = мед.
Потребни состојки: 1/2 чаша ситно сечкан ѓумбир, 1/2 чаша излупен, свеж рен, исечен на коцкички, 1 главица лук, чешнињата исчистени и изрендани , 3 гранчиња рузмарин, 2 чили пиперки преполовени по должина, 1 лажичка црн пипер во зрно (бибер), 2 стапчиња цимет, 1 лимон исечен на парчиња, 1/2 портокал, исечен на парчиња, 2 чаши јаболков оцет, 1/2 чаша мед
ПОСТАПКА: Ставете ги ситно изренданите ѓумбир и рен на дното од теглата (од 1 литар) или сличен стаклен сад што може да се затвори. Додајте лук, рузмарин, чили, црн пипер во зрно (бибер), цимет;
Потоа додајте парчиња лимон и портокал, притискајќи надолу за да ги компресирате состојките. Додајте оцет, а ако е потребно додајте уште малку, колку што е потребно за целосно да бидат натопени состојките и наполнете ја теглата.
Затворете ја теглата (ако користите метален капак, ставете парче хартија помеѓу теглата и капакот за да спречите корозивна реакција со оцетот). Да се чува на ладно, темно место, протресувајќи ја теглата неколкупати секој ден во текот на најмалку 3 недели.
Процедете преку газа или ситно сито; цврстите материи отстранете ги и фрлете ги (сите активни материи се преминати во оцетот). Додајте го медот и промешајте за да се раствори. Чувајте го тоникот во затворен сад во фрижидер до 1 месец и пијте по една мала чашка дневно.
Постојат многу предности на „огнениот“ оксимел: јаболковиот оцет е одличен дигестивен агенс. Ренот е моќен против застојот на синусите. Ѓумбирот помага при варење, га-дење и инфекции. Лукот е антимикробен и антибактериски.
Кромидот е сличен на лукот. Црниот пипер (биберот) со своите активни компоненти помага да се стимулира имунолошкиот систем. Медот има смирувачко и антиинфламаторно дејство, а доколку користите сиров мед, тој поседува и свои антибактериски својства.
