Доктор Зоран Миливојевиќ предизвика вистинска бура на социјалните мрежи поради ставот за девојките кои чекаат идеален партнер за брак.
Неговата приказна за факторите кои влијаат врз нормалниот раст и развој, како и тезата што е тоа што секој човек го прави да биде позрел во однос на другите во емоционална смисла, ја пренесе Инфпулт.
-Многумина возрасни луѓе, особено оние во младата животна доба, одбиваат да пораснат и се водат од детските фантазирања за идеална љубов која ќе им се случи тогаш кога ќе наидат на својот идеален партнер – наведува д-р Миливојевиќ.
-Очекуваат дека, дури тогаш ќе го најдат својот идеален партнер со кого ќе ја пронајдат идеалната среќа. Често ваквите луѓе наидуваат на „слепа“ улица во емоционалното созревање, а тоа најчесто се оние луѓе кои во детството биле премногу заштитувани.
Таквите лица имале угодно детство и сите околу нив се труделе да им угодат на сите можни начини. Идентификацијата е, смета д-р Миливојевиќ, многу важен процес на растење, при кој децата се огледуваат на своите родители:
-Кај нас тоа не функционира веќе 50 години наназад, девојките не сакаат да личат на своите мајки од причина што најчесто ги гледаат како жр-тви. Нивните мајки имаат многу обврски и многу работат, па тие заклучуваат дека нивните мајки се жр-тви и одлучуваат дека не го сакаат таквиот живот за себе.
Таквите девојки кога ќе пораснат попрво бираат да бидат како нивниот татко, да гледаат ТВ, да читаат весници и да не се занимаваат со „женски“ работи. На тој начин, истакнува д-р Миливојевиќ, го блокираат израснувањето, но истовремено годините поминуваат и тие стареат:
-Нивното тело старее, а психичкото и емоционалното созревање изостанува. За жените најдоброто време за да станат мајки и да родат е околу својата 24.година, но жените за тоа честопати започнуваат да размислуваат дури во третата деценија, околу своите 34 години.
Нивните мајки прават голема грешка и ги советуваат да „проживеат“ и да го видат светот, па дури потоа да се омажат и да имаат деца – заклучува докторот. Пораката која дигна голема прашина на социјалните мрежи е токму онаа упатена на „адресата“ на оние девојки кои сè уште „не се скрасиле“ до одредени години во животот:
„Не можете да очекувате дека ќе лудувате до 35. и потоа да си мислите дека ќе се појави оној вистинскиот, принцот на бел коњ кој ќе ве освои и со кој ќе живеете среќно до крајот на животот. Обично оној вистинскиот не се појавува кога вие ќе го очекувате, времето поминува, а вие стареете и така навршувате 40 години и сè уште сте сами.“
Доктор Миливојевиќ објасни и зошто:
-Жените на тие години им се намалува способноста да зачнат, па така честопати се случува убави и паметни жени да не можат да се остварат како мајки, иако тоа го посакуваат најмногу од сè.
Факт е, смета д-р Миливојевиќ, дека децата денес многу порано влегуваат во пубертет, па така, гледаме девојки кои се во шесто одделение, а исгледаат како оние од осмо. Тоа меѓутоа, не значи дека девојчињата се секогаш зрели и дека порано созреваат од момчињата – сето тоа зависи од критериумите со кои се оценува зрелоста.
-Ако погледнеме една жена која во своите четириесетти години има успешна кариера, свој стан, автомобил, добри односи со фамилијата, па според некои социјални критериуми таа е зрела жена, но дали навистина тоа е така? Ако го погледнеме нејзиниот емоционален развој, таа сè уште е девојче која чека да се појави принцот кој ќе ја спаси и ќе ја усреќи до крајот на животот.
Таа со своите 40 години размислува како едно девојче од 14 години – заклучува доктор Миливојевиќ.
Каков е вашиот став за девојките кои не сакаат да се омажат веднаш по завршувањето на средното училиште или факултетот и во биолошки зрелите години „го чекаат принцот на белиот коњ“? Дали „животот под стаклено ѕвоно“ за припадниците од обата пола е всушност „лоша услуга“ која родителите им ја прават на своите деца или тоа важи само за женските деца?
