Сите многу ја обожаваат оваа торта кога ќе им ја приготвам, особено кога ќе ги изненадам на некој обичен ден со ваква освежителна слаткост. Не ви е потребно многу време, ниту многу состојки, само измешајте 2-3 состојки и добивате многу убава торта.
Може да ја правите овошна, чоколадна, со ванила или некој вкус по ваш избор, значи филот останува на вас, а јас од мое искуство ќе ви предложам како ми е најубава. Еве кои состојки ви се потребни за да ја подготвите:
ПОТРЕБНИ СОСТОЈКИ: 250 г сечкани суви какао бисквити, 125 г растопен путер. ЗА КРЕМОТ ВО СРЕДИНА: 250 г маскарпоне, 150 г свежо сирење (или додајте вкупно 400 г маскарпоне), 1 лажица екстракт од ванила, 250 мл претходно засладен шлаг (блага слатка павлака). ЗА ЧОКОЛАДНИОТ ГАНАШ: 50 г темно чоколадо, 100 г млечна чоколада, 100 мл шлаг.
ПОСТАПКА: За подготвување на основата, прво изблендирајте 250 г бисквити, па во нив додајте 125 г растопен путер. Измешајте ги состојките додека да се направи смеса со конзистентност на влажен песок (малку потврда).
Вака подготвената смеса излејте ја во калап со флексибилен обрач и убаво натапкајте ја за да биде мазна на површината. Потоа започнете со подготовка на кремот: 250 г маскарпоне измешајте го со 150 г крем сирење и убаво измиксајте со миксер.
Кога состојките убаво ќе се соединат, додајте 1 лажичка екстракт од ванила и постепено започнете да додавате 250 мл слатка павлака додека непрекинато матите со миксерот.
Кога ќе се направи убав и цврст шлаг, премачкајте го врз основата од бисквити и израмнете. Ставете во фрижидер да се стегне додека го подготвувате чоколадниот ганаш:
За чоколадниот ганаш: Во тенџере ставете 50 г темно и 100 г млечно чоколадо и 50 мл слатка павлка. Соединете ги состојките на многу тивок оган додека да се растопет и соединат состојките.
Чоколадото излејте го преку белиот крем и ставете ја тортата да се стегне во фрижидер неколку часа. По ладењето декорирајте по вкус. Деталите од целата постапка можете да ги погледнете во видеото ОВДЕ.
