Кремасто и чоко-чоколадно задоволство. Брзо се приготвува, единствено што е поубаво доколку го оставите до утредента да отстои. Така да… ќе мора да се воздржите…
Потребни состојки:
5 јајца
8 лажици шеќер
100 г чоколадо за колачи
200 г маргарин/путер
4 рамни лажици брашно
1 прашок за печиво
-кора од лимон
-прстофат сол
100 мл млеко
5 лажици инстант чоколаден прашок – несквик или слично (за замена може и чоколадно млеко)
500 мл слатка павлака
50 г маргарин/путер
100 г чоколадо
Постапка:
Прво растопете 200г маргарин/путер со 100 г чоколадо и оставете да се излади, не мора целосно да биде ладно.
Вклучете ја рерната на 180 степени и обложете со хартија за печење една помала тепсија.
Изматете цели јајца со шеќер додека да добиете пенаста смеса.
Со лажица промешајте го брашното и прашокот за печиво, потоа растопеното чоколадо и маргаринот/путерот.
Веднаш излејте во тепсија и печете околу 25-30 минути.
Врелата кора прелијте ја со чоколадното млеко и оставете да излади.
Гответе ја околу 3 минути слатката павлака, чоколадото и путерот/маргаринот, па прелијте преку изладената кора.
Оставете да излади околу 20 минути на собна температура а потоа во фрижидер неколку часови.
Исечете на коцки и послужете. Уживајте!
