Мек чоколаден колач без јајца и путер што се топи во уста – едноставен рецепт со совршена глазура
Ако барате мек чоколаден колач без јајца и без путер што буквално се топи однатре, овој рецепт е вистински избор.
Идеален е за оние што избегнуваат јајца или путер, но и за сите што сакаат лесен, економичен и сигурен десерт со интензивен вкус на какао.
Подготвен со едноставни состојки што речиси секогаш ги имате дома, овој колач е одлична опција за семејна трпеза, роденден или брз десерт со кафе.
Дополнително, благодарение на глазурата од темно чоколадо и слатка павлака, добива елегантен изглед – совршен и за свечени пригоди, пишува НМД. Еве што ви е потребно:
Потребни состојки (калап 20–22 см)
За колачот:
• 270 мл млеко
• 150 г шеќер
• 80 мл масло
• прстофат сол
• 200 г брашно
• 30 г горчливо какао
• 15 г прашок за печиво
За чоколадната глазура:
• 100 г темно чоколадо
• 130 мл слатка павлака
• НМД
Постапка
1. Во длабок сад сипете го млекото. Додајте шеќер, масло и прстофат сол, па мешајте со жица маталка додека да се раствори шеќерот.
2. Додајте просеано брашно, горчливо какао и прашок за печиво. Повторно мешајте со жица додека да добиете мазна смеса без грутчиња.
3. Смесата сипете ја во тркалезен калап (20–22 см) обложен со хартија за печење на дното.
4. Печете во претходно загреана рерна на 170°C (со вентилатор) околу 30 минути, или додека чепкалка забодена во средината не излезе сува.
5. Оставете колачот кратко да се подизлади, потоа внимателно отстранете го обрачот, превртете го на решетка, отстранете ја хартијата и оставете целосно да се излади.
6. Загрејте ја слатката павлака, додајте го искршеното темно чоколадо и мешајте додека да се растопи и соедини во мазна глазура.
7. Прелијте ја глазурата врз изладениот колач и по желба посипете чоколадни трошки или декорирајте со дополнителен крем.
Зошто ќе ви стане омилен?
• Без јајца – погоден за лица со интолеранција
• Без путер – полесна текстура
• Брза подготовка – без миксер
• Економичен рецепт со достапни состојки
• Совршен за комбинирање со квалитетно темно чоколадо или премиум какао
За уште подобар резултат, користете квалитетно горчливо какао со висок процент какао-маса и темно чоколадо со најмалку 50–60% какао – разликата во вкусот е значајна. Постапката погледнете ја во видео прилогот ОВДЕ:
