Многу вкусни и неодолив колачи, едните со семе од афион, а другите со ореви. Толку се вкусни што секој ден ќе ги јадете. Лесни се за подготовка, а уште полесни за јадење. Нема некој што не ми побарал рецепт за нив.
ПОТРЕБНИ СОСТОЈКИ: 1 кг брашно, 1 ќесичка прашок за печиво, 1/2 л млеко, 1 свеж квасец, 2 лажички шеќер за активирање на квасецот, 2 лажички сол, 1 јајце, 1 жолчка, 200 мл масло, 6 лажици шеќер, 2 ќесички ванилин шеќер, рендана кора од портокал.
ПРВА ВАРИЈАНТА: 150 г семки од афион, 150 мл топло млеко, 1 ќесичка ванилин шеќер, 2 лажици шеќер, лимонов сок, половина изматена белка од јајце.
ВТОРА ВАРИЈАНТА: 100 г ореви, 70 мл топло млеко, 1 ќесичка ванилин шеќер, 2 лажици шеќер, пола изматена белка од јајце, малку рум по желба.
ПОСТАПКА: Во поголем сад се топли млекото, а во меѓувреме се издробува свежиот квасец и се меша со 2 лажици шеќер. Одозгора се прелива со дел од млекото, малку се промешува и се остава некое време да се активира квасецот.
Дел од брашното се става во сад, потоа додајте го ванилиниот шеќер, шеќерот, прашокот за печиво, солта и ренданата кора од портокал. Малку се промешува па се додава маслото, јајцето, изматената белка од јајце и активираниот квасец.
Се мати смесата со миксер додека се соедини, а постепено се додава брашното. Се меси тесто додека да се формира меко и нелепливо под прсти на набрашнета површина. Потоа повторно се враќа во садот, но овој пат се става малку масло, а тестото се остава да стаса.
По изминатото време се дели на 3 дела, во зависност од тоа какви колачи сакате. Јас ќе правам 3 различни колачи, едни со афион, други со ореви, а третите со домашен мармалад.
ПОДГОТОВКА НА ФИЛОТ ОД АФИОН: Двата фила ги работам наизменично. Во еден подлабок сад се става афион, а во вториот ореви. Во двете се додава по 1 ќесичка ванилин шеќер, 2 лажички шеќер, 2 лажички рум (опционално) во оревите, а лимонов сок во семките од афион.
Потоа додајте по 100 мл врело млеко во двете смеси. Се мешаат двете смеси, а откога ќе се соединат состојките се додава претходно изматената белка од јајце која се дели на два дела.
Набрашнете ја површината и префрлете го тестото на неа и малку размесете го. Тестото поделете го на три еднакви делови (или 2 доколку правите само 2 видови колачи). Секој ден се развлекува со оклагија и се прелива една од смесите за фил.
Добро се изедначува филот со задниот дел на супена лажица по целата површина на тестото. Потоа само се рола исто како ролат/валјак. Краевите на тестото се превиткуваат и тестото се става во плех со хартија за печење.
Се повторува истата постапка со второто тесто и се премачкува со другиот фил. Ова тесто се става до претходно направеното во плехот. Потоа се развлекува и третото тесто и се премачкува со мармалад.
Колачот се прекрива со кујнска крпа и се остава уште неколку минути да стаса додека рерната се загрее отприлика 15 минути. Колачот се пече 180 степени, 15-20 минути, а потоа се намалува температурата на 160 степени и се пече уште 5-10 минути со повремено проверување.
По печењето се премачкуваат со малку растопен путер. Колачите се сечат на 2 цм парчиња. Деталите од целата постапка погледнете ги во видеото ОВДЕ.
