Највкусниот едноставен колач
Овој колач е совршен спој на едноставност и богат вкус, идеален за секоја пригода. Со лесно достапни состојки и брза подготовка, ќе добиете десерт што ќе ги воодушеви сите.
Следете го овој рецепт и за само 10 минути подгответе колач што се пече до совршена мекост и арома, пишува НМД. Еве пто ви е потребно:
Потребни состојки:
– 3 јајца
– прстофат сол
– 15 г ванилин шеќер (1 лажица)
– 150 г шеќер (3/4 чаша)
– 150 мл сончогледово масло (2/3 чаша)
– 150 мл млеко (2/3 чаша)
– 300 г брашно (2 чаши и 1/2 чаша)
– 15 г прашок за печиво (1 лажица)
– 1 јајце (за прелив)
– 125 г цврст јогурт (1 чаша)
– 1 лажица шеќер (за прелив)
– 1 лажица пченкарен скроб
– 150 г замрзнато овошје
– шеќер во прав (за посипување)
– НМД
Постапка:
1. Во длабок сад, изматете ги трите јајца со прстофат сол додека да добиете пенеста смеса.
2. Додајте 15 г ванилин шеќер и 150 г шеќер, па продолжете да матите додека шеќерот целосно се раствори.
3. Постепено додајте 150 мл сончогледово масло и 150 мл млеко, мешајќи за да се соединат состојките.
4. Во посебен сад, измешајте 300 г брашно со 15 г прашок за печиво. Потоа, постепено додајте ја сувата смеса во течната, мешајќи додека да добиете хомогена смеса без грутки.
5. Истурете ја смесата во калап со димензии 27 x 18 см, претходно обложен со хартија за печење или намастен.
6. Во друг сад, измешајте 1 јајце, 125 г јогурт, 1 лажица шеќер и 1 лажица пченкарен скроб. Добиената смеса како топки распоредете ја врз тестото во калапот, за да се добие различна текстура.
7. Врз преливот наросете 150 г замрзнато овошје по ваш избор.
8. Печете во загреана рерна на 175°C, 35 до 40 минути, или додека колачот добие златно-кафеава боја, а чепкалка забодена во средината не излезе чиста.
9. Откако колачот ќе се излади, посипете го со шеќер во прав.
Уживајте во овој едноставен, а неверојатно вкусен колач! Постапката погледнете ја во видео прилогот ОВДЕ:
