Ако сте од оние што повеќе не сакаат да купуваат леб, овој рецепт ќе ве воодушеви.
Италијанската чиабата без месење е еден од најлесните и најсигурните начини да добиете домашен леб како од врвна пекарница – со воздушеста структура, многу меурчиња и крцкава кора.
Методот е научен од италијански ресторан и е совршен за сите што сакаат брз, едноставен и сигурен резултат, без напор и без класично месење, пишува НМД. Еве што ви е потребно:
🧺 Потребни состојки
• 500 мл газирана минерална вода
• 1 лажица шеќер
• 7 г сув квасец
• 600 г брашно
• 1 лажичка сол
• НМД
• малку растително масло (за премачкување на садот)
• дополнително брашно (за посипување)
👩🍳 Постапка – чекор по чекор
1. Во длабок сад сипете ја газираната минерална вода, додајте шеќер и сув квасец. Промешајте кратко.
2. Додајте 200 г брашно и измешајте додека да добиете хомогена смеса.
3. Потоа постепено додајте ги останатите 400 г брашно и солта.
4. Со миксер или лажица измешајте додека да се добие меко, еластично и лепливо тесто.
5. Покријте и оставете да одмори на топло место 30 минути.
6. Навлажнете ги рацете, повлечете ги рабовите на тестото навнатре и преклопете кон средината.
7. Оставете повторно да одмори 30 минути, па повторете го преклопувањето.
8. Направете уште едно одморање од 30 минути и повторете ја постапката.
9. Премачкајте друг сад со малку растително масло, префрлете го тестото, покријте и оставете да нарасне 40 минути.
10. Истурете го тестото на набрашнета работна површина. Ќе забележите многу меурчиња – тоа е знак за совршена чиабата.
11. Лесно преклопете го тестото и поделете го на 4 еднакви дела.
12. Поставете ги парчињата во плех обложен со хартија за печење.
13. Оставете да одморат уште 20 минути.
14. Печете во загреана рерна на 190°C, 25–30 минути, додека лебот не добие златно-кафеава боја.
➡️ Резултатот е крцкава кора однадвор и мека, воздушеста внатрешност одвнатре – вистинска италијанска чиабата! Постапката погледнете ја во видео прилогот ОВДЕ:
https://youtu.be/BvwUaCBmTUs?si=ZS-sM4imO84Yrjw2
