БЕЛ КОМИСБРОТ…Крал меѓу чајните колачи, мек, миризлив, со суво овошје, создаден за со кафе…
Рецептот е постар од мене самата, од мајка ми… го памтам уште од детството. Ова е вистинкиот мирис и вкус од детството!
Потребни состојки:
6 белки
200 г шеќер
150 г брашно
100 мл масло
150 г микс од сечкани ореви, сечкани суви кајсии и суво грозје
малку рендана кора од лимон
Постапка:
1.Изматете белки во цврст снег со постепено додавање на шеќер. Матете додека шеќерот целосно да се растопи.
Кога ќе добиете цврст снег додајте масло и изрендајте малку лимонова кора, па внимателно промешајте го и брашното со постепено додавање. Не се става прашок за печиво.
2.Мешајте со лажица, полека, со превртување за да се сочува пенливоста на смесата. На крај додајте го миксот од ореви и суво овошје и убаво изедначете.
3.Калапот за срнечки грб намастете го со путер и посипете го со брашно. Распоредете ја во него приготвената смеса и израмнете.
4.Печете во загреана рерна на 180 степени околу 30 минути. Проверете со стапче дали е готов.
5.Почекајте да излади, па потоа превртете го на чинија. За да се исече убаво, почекајте колачот целосно да излади. Одозгора посипете шеќер во прав.
Фото и рецепт Наталија/coolinarika.com
