Откријте го рецептот за традиционално бадниково лепче – симбол на мирот и духовната подготовка за Божиќ, подготвено од едноставни состојки со совршен резултат.
Бадниковото лепче е повеќе од обична погача – тоа е симбол на мирот, тишината и духовната подготовка за Божиќ.
Се подготвува од основни состојки, но со многу внимание и почит кон традицијата што се повторува од година во година.
Овој проверен рецепт дава меко, воздушесто и прекрасно лепче, идеално за посната трпеза на Бадник и лесно за подготовка дури и за почетници, пишува НМД. Еве што ви е потребно:
👉 Бадниково лепче што секогаш успева – мека, мирисна и совршена посна погача за Бадник 🕯️🥖
🥖 Потребни состојки:
• 650 г меко бело брашно
• 1 лажичка шеќер
• 400 мл млака вода (200 мл + 200 мл)
• 10 г сув квасец
• 100 мл масло
• 1 лажица сол
• НМД
Традиционално бадниково лепче – лесен и проверен рецепт за мека и мирисна посна погача, совршена за Бадник и божиќниот пост.
👩🍳 Постапка:
1. Во длабок сад просејте го брашното и направете вдлабнатина во средината.
2. Во вдлабнатината додајте шеќер и сув квасец, па сипете 200 мл млака вода.
3. Лесно промешајте со малку брашно од страните и оставете да отстои околу 5 минути, за да се активира квасецот.
4. Потоа сипете ги преостанатите 200 мл млака вода и додајте 50 мл масло. Со дрвена лажица измешајте додека состојките да се соединат.
5. Кога тестото ќе почне да се оформува, додајте ја солта и продолжете со месење.
6. Месете додека тестото да стане меко и еластично. Кога повторно ќе почне да се лепи, намачкајте ги рацете со малку од преостанатото масло и продолжете да месите додека маслото целосно се впие.
7. Формирајте топка, лесно потапкајте ја, покријте со чиста крпа и оставете да одмори 15 минути.
8. По 15 минути, повторно кратко премесете го тестото и оставете го да нарасне на топло место 30–45 минути.
9. Нараснатото тесто уште еднаш лесно премесете го, формирајте погача и префрлете ја во намастен кружен плех (26–30 см) или обложен со хартија за печење.
10. Со раце рамномерно распоредете го тестото, одозгора премачкајте со малку масло и оставете да нарасне уште околу 60 минути.
11. Загрејте ја рерната на 200°C. Пред печење, уште еднаш лесно премачкајте ја погачата со масло.
12. Печете 25–30 минути, во зависност од тоа колку потемна кора сакате.
13. По печењето, за помека кора премачкајте со малку масло; за покрцкава кора, оставете ја да се излади без дополнително премачкување.
✨ Совет:
Ова бадниково лепче е најубаво кога е свежо и млако, послужено со посни јадења, грав, сарма или едноставно – само со малку сол и љубов. Постапката погледнете ја во видео прилогот ОВДЕ:
