Пита со јогурт и гриз
Оваа пита со јогурт и гриз е идеално решение за брз, економичен и вкусен оброк, совршен за појадок или вечера.
Се подготвува без месење тесто, со состојки што најчесто ги имате дома, а резултатот е мека, сочна пита со богат вкус што брзо исчезнува од трпезата.
Следете ја оваа едноставна постапка за да уживате во домашна пита готова за кратко време, пишува НМД. Еве што ви е потребно:
Потребни состојки:
– 1 пакување кори за пита
– 4 јајца
– 120 мл масло
– 400 мл јогурт
– 160 г гриз
– 2 лажички прашок за печиво
– 1,5 лажичка сол (или повеќе по вкус)
– За прелив:
– 1 јајце
– 1 лажица млеко
– сусам за посипување
– НМД
Постапка:
1. Загрејте ја рерната на 200°C.
2. Во длабок сад изматете ги четирите јајца. Додајте 120 мл масло и 400 мл јогурт, па промешајте. Потоа, постепено додајте 160 г гриз, 2 лажички прашок за печиво и 1,5 лажичка сол. Мешајте додека смесата стане хомогена.
3. Земете плех со средна големина и намачкајте го со 2 лажици масло. Поставете 3 кори да се покрие дното, но корите да излегуваат и надвор. Одделете 2 до 3 кори за покривање на питата, во зависност од нивната дебелина.
4. Останатите кори згужвајте ги една по една, потопете ги во подготвената смеса за да се натопат добро и редејте ги во плехот. Преостанатата смеса рамномерно распоредете ја врз корите.
5. Покријте ја питата со одделените кори (секоја премачкјате ја со масло), и потпикнете ги внатре, како да местите чаршав на кревет.
6. Во посебен сад изматете 1 јајце со 1 лажица млеко. Со оваа смеса премачкајте ја питата одозгора, а потоа посипете ја со сусам.
7. Печете во загреана рерна на 200°C околу 30–35 минути или додека питата добие златно-кафеава боја. Проверувајте ја за време на печењето.
8. Оставете ја питата малку да се излади пред да ја исечете и послужите.
Оваа пита е економична, лесна за подготовка и неверојатно вкусна. Совршена е за секоја пригода, а нејзината мекост и богат вкус ќе ги освојат сите на трпезата. Постапката погледнете ја во видео прилогот ОВДЕ:
