Дишењето е витална функција што ни овозможува да живееме и да функционираме. Практично, нема живот без дишење и затоа е поважен од земањето течности и храна. Дишењето е континуирана врска со надворешното опкружување, а вежбите за дишење се докажани и проверени методи кои овозможуваат подобро дишење и со тоа ги зајакнуваат имунитетот и белите дробови.
Дишењето е толку важно и неопходно за нашиот опстанок, што е практично автоматизирано – со други зборови, дишеме без размислување. Во последните години се спроведени бројни студии за свеста и ефектите што ги има вниманието врз различните аспекти на физичкото и менталното здравје.
Со едноставни вежби зголемете го виталниот капацитет на белите дробови. Тоа значи зголемување на кислородот кој ќе го вдишите и општо подобрување на исхранетоста на мозокот и сите ткива во телото.
Опоравувањето од некоја белодробна болест, па дури и со полесна кли-ничка слика, може да трае и со неколку седмици. Затоа лекарите препорачуваат па-циентот во текот на закреп-нувањето што повеќе да одмора, да се храни здраво и да пие повеќе течности.
Покрај тоа, се советуваат и вежби кои имаат за цел да го подобрат капацитетот на белите дробови, за да стане дише-њето полесно и подлабоко.
-Ова е план од вежби за зголемување на витал-ниот капацитет на белите дробови – вели Радниќ. Секоја вежба потребно е да се повтори повеќепати, неколкупати во текот на денот или онолку пати колку што тоа го дозволува општата здравствена состојба на организмот.
Доколку почувствувате врто-главица, имате краток з-див и потеш-котии со ди-шењето, б олка во гра-дите, ладна пот, прекумерен замор или аритмија – веднаш пре-кинете ги вежбите, советува тој. Наведените вежби можат да се прават во лежечка, седечка или стоечка положба.
ПОДИГАЊЕ НА РАЦЕТЕ
Подигнете ги испружените раце над глава и истовремено длабоко вдишете. Задржете се во оваа положба неколку секунди, а потоа полека издишете и споро спуштете ги рацете покрај телото.
КРУЖЕЊЕ
Со испружени раце правете кружни движења во зглобот на рамењата, така што вдишувањето треба да го следи подигнувањето на рацете, а издишувањето – спуштањето.
ПРЕКРСТУВАЊЕ НА РАЦЕТЕ ПРЕКУ ГРАДИ
Широко раширете ги рацете во висина на рамењата со длабоко вдишување, задржете ги така неколку секунди. Потоа рацете со издишување прекстете ги преку градите.
ШИРЕЊЕ НА ЛАКТИТЕ
Испреплетете ги прстите зад вратот, а потоа со вдишување полека ширете ги лактите, а со издишување лесно спојте ги пред лицето.
НАСЛУШНУВАЊЕ
Поставете ја едната дланка на градите, а другата на стомак. Полека вдишете го воздухот така што да почувствувате како воздухот и градите истовремено ви се шират и подигаат.
ВОЗДУХ ВО СТОМАКОТ
Легнете на грб со нозете свиткани во колена. Ставете ги рацете на стомак или обвиткајте ги околу него. Затворете ја устата и поставете го јазикот на непцето. Вдишувајте го воздухот низ нос и вовлекувајте го воздухот во стомак, така да почувствувате како тој се полни. Потоа полека издишете низ нос.
ВЕЖБА СО КОЈА 7 ПАТИ ПОВЕЌЕ СЕ ВНЕСУВА КИСЛОРОД
Вежбата е потполно безопас-на, можете да ја изведувате до двапати дневно сè додека да добиете навика за редовно дишење, но доколку имате респираторни проблеми, прво консултирајте се со доктор. Како да дишете правилно:
Седнете во удобна медитативна положба, турско седење или на колена. Ставете ја едната рака на стомакот, а другата на градите. Исправете го ‘рбетот, свиткајте ја главата малку напред и затворете ги очите. Прво издишете целосно преку носот и замислете дека го повлекувате папокот целосно кон ‘рбетот.
Потоа започнете да вдишувате воздух низ носот, раширете ги стомакот, ребрата и градите и повлечете ги рамената нагоре. Додека дишете, бројте до четири. Потоа издишете на носот, спуштете ги рамената, градите, повлечете ги ребрата и повлечете го во стомакот. Додека издишувате во себе, бројте до шест. Секогаш оставајте издишувањето да биде подолго од вдишувањето.
