Славската пченица е задолжителна на славите, а ние ви го пренесуваме најдобриот рецепт на сите времиња. Славското жито е првото нешто со кое треба да ги послужите вашите гости. Затоа е многу важно да е добро сварено и вкусно. Еве што ви е потребно:
ПОТРЕБНИ СОСТОЈКИ:
500 грама бела пченица
400 грама шеќер
400 грама мелени ореви
2 кесички ванилин шеќер
1/2 морско оревче
ПОСТАПКА:
Половина килограм бела пченица истребете ја добро од камчиња и плевел, истурете ја во експрес лонец и прелијте ја со вода, па оставете ја да преноќи. Следниот ден, набубрената пченица измијте го во неколку води, за да се отстрани нечистотијата и добро сварете ја.
Кога ќе се свари пченицата, оставете ја да се излади и додека е млака, процедете ја но не ја плакнете! Тоа е една од тајните, пченичниот скроб треба да остане со зрното.
Кога ќе ја процедите пченицата, додека е уште топла, измелете ја во блендер, повеќенаменски процесор за храна или на мелница за месо. Не треба да се меле многу ситно, подобро е пченицата да биде крупно мелена, да има волуменозност.
Ова е втората тајна на најдобриот рецепт за словска пченица.
Сè уште топлата и мелена пченица измешајте ја со шеќер и ореви, додајте ванилин шеќер и по желба половина ситно мелено морско оревче. Мешањето на пченицата со другите состојки се прави рачно.
Домаќинката ја меша и меси смесата со рацете и прстите. Тоа е третата тајна зошто ова е најдобриот рецепт за славска пченица! На крајот, пченицата се посипува одозгора со ореви. Може да се украси со правење релјеф во форма на крст од цели ореви.
Некои пченицата ја декорираат со шеќер во прав, со бобинки од калинка, грав, сусам, па дури се прават и вистински уметнички слики. Кој има волја и дарба нека се потруди самиот да го украси славското жито.
Кога е готова, славската пченица се носи во црква на осветување, а потоа им се послужува на гостите како земен подарок и благослов што им го испратил светецот. Среќна слава, домаќини!
