ВИТКАН БУРЕК со сирење ПОДОБАР ОД СЕКОЈ КУПЕЧКИ…За 30 минути многу вкусен појадок или вечера (со готови кори)…Еве што ви е потребно:
ПОТРЕБНИ СОСТОЈКИ:
500 г кори за баклава
500 г свежо кравјо сирење
200 мл кисела павлака
1,5-2 лажички сол
2 јајца
За премачкување на корите:
200 мл газирана вода
100 мл масло
ПОСТАПКА:
1.Во подлабок сад помешајте го иситнетото сирење со киселата павлака и јајцата, а потоа посолете по вкус.
2.Отворете ги корите и одвојте настрана 5 кори и исечете ги надолжно на половина, а ќе послужат за пополнување.
3.Земете 2 кори и поставете ги на работната површина една до друга, но да се преклопуваат со една третина. На овој начин ќе добиете една голема, долга кора.
4.Потоа земете 2 исечени кори и преклопете ја едната половина од поставените кори. Одозгора премачкајте со мешавина од вода и масло и распоредете фил.
5.Внимателно свиткајте во ролат, а потоа на 2-3 пати како баничка. Постапката повторете ја со остатокот од материјалот, а бурек-баничките поставете ги врз плех обложен со хартија.
6.Одозгора натопете ги со мешавината од вода и масло и печете ги во претходно загреана рерна на 220 степени, 30 минути или додека да заруменат, Постапката погледнете ја ОВДЕ.
