Тиквички и тофу во триаголна форма
Овој рецепт за триаголни тиквички со тофу е вистински пример за здрава и вкусна корејска кујна.
Комбинацијата од меко тофу и слаткасти тиквички создава нежна текстура и природна сладост, што ги прави неодоливи за целото семејство.
Лесни за подготовка, атрактивни за око и вкусни дури и кога се ладни, овие полнети тиквички се идеални за секоја прилика, пишува НМД. Еве што ви е потребно:
Потребни состојки:
– 1 тиквичка
– 300 г тофу (или сирење по избор)
– 4 печурки шитаке (по избор)
– 10 см бел дел од млад кромид
– 2 јајца
– 2 супени лажици брашно (за тестото)
– 1 супена лажица брашно (за тиквичките)
– малку сол
– малку црн пипер
– НМД
Постапка:
1. Подготовка на состојките: Отстранете ги дршките од печурките и ситно исечкајте ги заедно со белиот дел од младиот кромид. Користете повеќенаменски секач за полесна и побрза подготовка.
2. Подготовка на филот: Во сад измешајте ги јајцата, сирењето (здробено), малку сол, малку црн пипер и 2 супени лажици брашно. Мешајте додека да добиете еднолична смеса.
3. Подготовка на тиквичките: Исечете ја тиквичката на тенки ленти со помош на сечкач. Распоредете ги тиквичките на плех, посипете ги со малку сол и оставете ги да отстојат околу 10 минути.
Потоа, отстранете ја вишокот влага од површината со кујнска крпа и посипете ги тенко со 1 супена лажица брашно, користејќи сито за рамномерно нанесување.
4. Формирање на триаголници: Земете дел од филот во големина на топче за пинг-понг и ставете го на една третина од тиквичката.
Потоа, преклопете ја тиквичката надесно и притиснете. Преклопете ја и налево за да формирате триаголник. При преклопувањето, лесно повлечете за да се осигурите дека триаголникот е цврст.
5. Пржење: Загрејте тава со малку масло на средна температура. Пржете ги триаголниците додека да добијат златножолта боја од двете страни. Благодарение на обликот, тие лесно се превртуваат.
6. Сервирање: Откако тиквичките се испржени, извадете ги од тавата. Сервирајте ги топли или ладни, по желба. За дополнителен вкус, подгответе сос од соја и кромид за само 5 минути, според посебен рецепт.
Овие триаголни тиквички со тофу се вистинско уживање – меки, лесни и со природна сладост, совршени за сите генерации. Видео прилогот погледнете го ОВДЕ:
