Оваа исклучително корисна намирница има неверојатни 26 грама протеини на 100 грама намирница!
Доколку ја комбинирате со некоја друга житарица, кога станува збор за аминокиселинскиот состав, има неверојатна способност за надополнување па така се добива збир од одлични квалитетни аминокиселини.
Енергетски дава 350 калории, содржи квалитетни јаглехидрати – 60 г на 100 г и неверојатни 30 г влакна кои претежно се растворливи (го намалуваат холестеролот), а дел нерастворливи (ги успоруваат јаглехидратите, ја помагаат дигестијата односно празнењето на цревата).
Имаат изразено низок гликемиски индекс (само 29). Од само 1 грам масти, содржи поволни омега 3 и омега 6 масни киселини.
Исклучително е богата со железо, и затоа посебно им се препорачува на жените кои спортуваат а имаат склоност кон анемија.
Обилува со магнезиум и молибден, а од витамини е исклучително богата со фолна киселина.
Предноста на овој вид леќа е нејзиното брзо приготвување. Многу кратко се вари (околу 10-15 минути), и брзо се распаѓа доколку ја сакате во вид на пире.
