Слатки спирали што се кинат на конци – рецепт што секогаш успева
Ако барате домашен рецепт за меки слатки спирали што буквално се кинат на конци и се топат во уста – ова е вистинскиот избор.
Со едноставни состојки и проверена техника, ќе добиете печиво кое изгледа професионално, а вкусот е на ниво на најдобрите пекарници.
Идеални се за појадок, десерт или како слатко изненадување за гостите, пишува НМД. Еве што ви е потребно:
🛒 Потребни состојки:
• 110 мл млеко (млако)
• 110 мл вода (млака)
• 5 лажици шеќер
• 1 лажица сув квасец
• 3 лажици путер (растопен)
• 1 јајце (големо)
• 4 чаши брашно
• 1/2 лажичка сол
• кондензирано млеко (за прелевање)
• кокос или шеќер (за наросување)
• НМД
👩🍳 Постапка:
1. Во мало тенџере сипете ги водата и млекото и загрејте ги додека станат млаки (не врели).
2. Во длабок сад додајте ја млаката течност, шеќерот и квасецот. Измешајте и оставете 5–10 минути додека да се активира квасецот.
3. Додајте го путерот, јајцето и солта, па повторно измешајте.
4. Постепено додавајте го брашното и замесете меко тесто.
5. Префрлете го тестото на работна површина и месете околу 10 минути додека да стане мазно и еластично.
6. Покријте го тестото и оставете го да одмори 30–40 минути, односно додека да го удвои волуменот.
7. Кинете од тестото (приближно 15 топчиња) и со дланките развлечете долг валјак. Малку уcучете го за да добиете „конци“.
Формирајте спирали или форми по желба и редете ги во подмачкан плех.
8. Оставете ги повторно да нараснат околу 25–30 минути.
9. Печете во загреана рерна на 180°C околу 25 минути, додека да добијат златна боја.
10. Додека се топли, сипете кондензирано млеко одозгора и наросете кокос или шеќер.
💡 Совети за совршен резултат (професионален трик)
• За „конци“ структура, тестото треба добро да се измеси – ова е клучно за мекоста.
• Користете квалитетен путер и свеж квасец за подобар вкус и текстура.
• Доколку сакате уште побогат вкус, додајте кора од лимон или портокал.
• Постапката погледнете ја во видео прилогот ТУКА.
