Само изрендајте компир…Пица од зеленчук е многу вкусно јадење за целото семејство…Брзо и без чекање…Еве што ви е потребно:
ПОТРЕБНИ СОСТОЈКИ:
5 компири
2 јајца
20 г кисела павлака или цврст јогурт
100 г брашно
5 г прашок за печиво
1 главица кромид (виолетов)
1 црвена пиперка
100 г рендан кашкавал / моцарела
1 китка млад кромид
сол и црн пипер по вкус
ПОСТАПКА:
1.Компирите изрендајте ги, додајте ги јајцата, посолете и запиперете, додајте павлака и промешајте.
2.Додајте брашно и прашок за печиво и сето добро измешајте го да нема грутчиња. Смесата распоредете ја во калап (26-28 см) обложен со хартија за печење и намастен врз хартијата.
3.Ставете да се пече во загреана рерна на 180 степени, 30 минути.
4.За тоа време пропржете го кромидот на малку масло, додајте ситно сечкана пиперка и динстајте додека да омекне. Посолете и запиперете по вкус.
5.Смесата распоредете ја врз печената пица, а одозгора посипете рендан кашкавал. Вратете да се допече уште 15 минути на 180 степени.
6.Одозгора посипете ситно сечкан млад кромид и послужете. Постапката погледнете ја ОВДЕ.
