ПРСТИ ДА ИЗЛИЖЕШ…Сарма од слатка зелка…Нема подобар рецепт од овој…Еве што ви е потребно:
ПОТРЕБНИ СОСТОЈКИ:
1 главица зелка (2 кг)
50 мл оцет
3 лажици сол
За фил:
600 г мелено месо
4 главици кромид со средна големина
100 г измиен ориз
1 лажичка сол
1 лажичка брашно
2 лажици црвена лута пиперка во прав
1 лажица сув зачин
1 лажица мелен црн пипер
4 ловорови листови
неколку зрна црн пипер
200 г маст + 1 лажица маст или путер/масло
уште 1 лажица црвена лута пиперка во прав
1 лажичка оцет
ПОСТАПКА:
1.Во големо тенџере наполнето до половина со вода сипете 3 лажици сол и 50 мл оцет, па ставете на оган да зоврие. Ставете ја зелката исчистена од тврдиот средишен дел („кочан“) и преливајте ја со водата, додека листовите да почнат да се одделуваат.
2.Превртете ја зелката и од другата страна и продолжете со поливањето. Омекнатите листови вадете ги во посебен сад, а кога ќе ги извадите сите листови, повторно вратете ги, поклопете го тенџерето и оставете ги да се оладат.
3.Во тава загрејте малку масло, па сипете ситно сечкан кромид, посолете и пржете го додека да застакли. Потоа додајте го меленото месо. Кога и тоа ќе се испржи додајте го измиениот ориз и малку промешајте.
4.Потоа додајте една полна лажичка брашно, па црвен пипер и убаво промешајте. Пржете уште кратко време, па тргнете го садот од рингла. Додајте сув зачин и црн пипер, промешајте и по потреба додајте уште зачини по вкус.
5.Од омекнатите листови зелка отсечете го тврдиот средишен дел и ако е голем, пресечете го на половина. Ставете го листот на дланка, наполнете го со фил и свиткајте.
6.Сармите редете ги во широко и длабоко тенџере кое претходно сте го намастиле со маст или друга маснотија и на дното сте го обложиле со листови зелка. Ставете ловоров лист, црн пипер во зрно и лажичка оцет.
7.Прекријте ги сармите со листови зелка и залијте вода да биде малку над нивото на сармите. Варете ги на средна температура и додавајте вода по потреба, приближно еден час.
8.Потоа растопете една полна лажица маст и додајте една полна лажица црвен пипер во прав и пржете кратко, внимавајќи да не ви прегори пиперот.
ВКУСНА ЗЕЛКА КАКВА ШТО ЈА ПРАВЕА НАШИТЕ БАБИ: Од ова јадење ви надоаѓа вода во уста
Запршката прелијте ја преку сармите (малку потргнете ги горните листови, па вратете ги) и гответе уште неколку минути.
9.Исклучете ја ринглата, оставете малку да подизладат, па послужете ги. Вкусни се и топли и ладни. Постапката погледнете ја ОВДЕ.
