Пробајте кремасто пилешко во многу вкусен сос…Брзо и лесно се подготвува, а целото семејство ќе ве пофали…

Пилешко во кремаст сос со пиперки и лукче

Овој рецепт за пилешко во кремаст сос со пиперки е совршен избор за оние кои сакаат брз, но исклучително вкусен оброк.

Комбинацијата од нежно пилешко месо, богат сос и свежи зеленчуци создава јадење што ќе ги воодушеви сите на трпезата.

Подгответе го овој едноставен, но елегантен рецепт и уживајте во совршен оброк за секоја прилика, пишува НМД. Еве што ви е потребно:

Потребни состојки:

– 2 парчиња пилешки филети
– 20 г путер
– 1 главица црвен кромид
– 2 чешниња лук
– 1-2 жолти пиперки
– 1 лажица брашно
– 1 лажичка сенф
– 200 мл пилешки бујон
– 300 г павлака
– 1/2 лажичка сол
– 1/4 лажичка мелен црн пипер
– 2 стрка млад кромид
– 1-2 моркови (по желба)
– НМД

Постапка:

1. Пилешките филети исечкајте ги на парчиња со средна големина. Во тава на средна температура загрејте малку масло заедно со половина од путерот.

Кратко пропржете го пилешкото месо додека добие златнокафена боја, па извадете го и оставете го настрана.

2. Во истата тава додајте го преостанатиот путер и оставете го да се растопи. Додајте го ситно исечканиот црвен кромид и лукот, па пржете ги на умерена температура додека омекнат и станат стаклести.

3. Исечкајте ја жолтата пиперка на коцки и додајте ја во тавата. Посипете со една лажица брашно и продолжете со пржење 1-2 минути, мешајќи постојано за да се распредели брашното рамномерно.

4. Додајте ја лажичката сенф, промешајте, па постепено сипете го пилешкиот бујон. Мешајте додека смесата се изедначи и почне да се згуснува.

5. Додајте ја павлаката и мешајте додека сосот стане кремаст и хомоген. По желба, во сосот може да додадете 1-2 варени моркови, исечкани на коцки.

6. Вратете го пилешкото месо во тавата, распоредете го рамномерно и промешајте за да се соедини со сосот. Зачинете со сол и мелен црн пипер според вкус.

7. Поклопете ја тавата и динстајте го јадењето на тивок оган 25-30 минути, повремено мешајќи, додека пилешкото целосно омекне и го впие вкусот на сосот.

8. Пред сервирање, посипете го јадењето со ситно исечкан млад кромид за свежина и декоративен изглед.

Сервирајте го пилешкото во кремаст сос топло, со прилог по ваш избор, како пире од компири, ориз или свежа салата.

Добар апетит! Постапката погледнете ја во видео прилогот ОВДЕ: Погледнете го и следниот рецепт за пилешко во лук – ОВДЕ:

СОЧНО ПИЛЕШКО ВО СОС ОД ЛУКЧЕ: Евтино јадење кое секој може да го направи, а толку многу е вкусно како да го направиле во луксузен ресторан

https://www.youtube.com/watch?v=RyMOznU5src