Природен лек против кашлица со мед, кромид и лук
Кашлицата може да биде непријатна, особено во зимските месеци. Овој едноставен, но моќен природен лек, составен од само три состојки, нуди ефикасно решение за ублажување на кашлицата.
Со комбинација од природен мед, кромид и лук, овој рецепт е познат по своите антибактериски и антивирусни својства, што го прави идеален сојузник за зајакнување на имунитетот, пишува НМД. Еве што ви е потребно:
Потребни состојки:
– 1 главица кромид (голема)
– 5-6 чешниња лук
– 3 супени лажици природен мед
– НМД
Постапка:
1. Ситно исечкајте ја главицата кромид.
2. Ситно исечкајте ги чешнињата лук.
3. Во сув и стерилен стаклен сад измешајте ги исечканите кромид и лук.
4. Додајте три супени лажици природен мед. Препорачливо е да користите квалитетен природен мед за најдобри резултати.
5. Добро измешајте ги состојките за да се соедини медот со кромидот и лукот.
6. Оставете го садот да отстои неколку минути, така што медот ќе се слегне на дното.
7. Затворете го садот со чист капак.
8. Завиткајте го садот со алуминиумска фолија за да го заштитите од светлина.
9. Оставете го садот во фрижидер да отстои 24 часа.
10. По 24 часа, извадете го садот од фрижидер.
11. Исцедете ја течноста што се создала, внимателно притискајќи ги кромидот и лукот за да се извлече целата течност.
12. Процедете ја течноста преку цедалка.
13. Префрлете ја процедената течност во чист стаклен сад, затворете го со капак и чувајте го во фрижидер до една недела.
Напомени:
– Лица со алергија на било која од состојките не треба да го користат овој лек.
– Деца под двегодишна возраст, бремени жени и доилки треба да се консултираат со лекар пред употреба.
– Дозирање: за деца, една чајна лажичка наутро и навечер; за возрасни, една супена лажица наутро и навечер.
Овој природен лек ќе ви помогне да ја намалите кашлицата и да го зајакнете вашиот организам. Ви посакуваме добро здравје! Постапката погледнете ја во видео прилогот ОВДЕ:
