Како може да проверите дали медот е квалитетен или не, доколку не сте го купиле од проверен производител? Раководителот на Одделот за биологија открива неколку генијални три кови со кои можете да процените дали медот кој го имате е квалитетен или не.
Раководителот на Катедрата за биологија на Факултетот за ветеринарна медицина, проф. Зоран Станимировиќ откри на што треба да обратите внимание кога купувате мед. Како прво, погледнете ја цената, советува професорот Станимировиќ.
„Кога ќе дадете 250 денари за тегла мед, треба да знаете дека тоа не е мед. Реалната цена на медот треба да биде околу 500 или 600 денари.” – вели тој.
Но, има и продавачи кои ја покачуваат цената на „лажниот мед“ само за да ги убедат купувачите дека станува збор за вистински пчелен производ. Пред да одлучите да купите мед, можете да го тестирате.
Медот од багрем се разликува од другите затоа што е посветол, со 20% вода во него и 20% полен. Има зеленикаво – жолта боја кога се гледа во однос на светлината. Кога ја вртите теглата, полека проверете ја густината.
Медот од багрем е потечен од медот од липа – објаснува проф. Станимировиќ. Исто така, треба да следите како се движат меурчињата.
Во медот од липа, меурчињата се движат побавно, додека кај вистинскиот мед од багрем, се формира сребрен круг. Кога ќе ја отвориме теглата, „конецот“ на истекувањето на медот не смее да се прекинува. Ако е прекинат, тоа веќе укажува дека не е природен – вели тој.
Тестот што може да открие дали медот е вистински или не, е многу едноставен: земете лажица мед, па ставете ја во чаша вода. Вистинскиот мед е тешко да се отстрани од лажицата и се таложи на дното на чашата. За разлика од него, лажниот мед ќе се раствори брзо и лесно.
Постои и друг начин да откриете дали медот што сте го купиле е вистински или лажен.
Ако земеме малку мед со лажицата и го загрееме на пламен од свеќа, медот ќе зоврие, но нема да се карамелизира, ниту ќе мириса на шербет. Ако тоа се случи, значи дека сте купиле шеќерен сируп, а не мед – објаснува проф. Станимировиќ.
Според него, важна карактеристика на медот е кристализацијата. Но, и тука треба да бидеме внимателни, вистинскиот мед ќе кристализира во целата тегла, а лажниот само на дното.
Корисните својства на медот и лековитите билки никој не може да ги оспори. Неговата ефикасност ја препознаваат научниците и лекарите и често се препорачува за зајакнување на имунитетот, зачувување на општата здравствена состојба на организмот и како помагало при лекување на разни здравствени проблеми.
Постојат многу видови на мед, и секој од нив се разликува во составот и лековитите состојки. Многу е важно да знаете како правилно да го комбинирате со лековити билки. Ви претставуваме неколку комбинации:
Багремов мед. Има пријатен, лесен вкус и мирис на бели цвеќиња од багрем, и содржи околу 36% гликоза. Тој е одличен тоник, и се препорачува во случај на несоница, тегоби поврзани со гастроинтестиналниот тракт, бубрезите и респираторниот систем. Исто така, има седативни својства.
Комбинација. За третман на акутен и хроничен гастритис: измешајте 1 кг багремов мед со 250 мл сок од ајдучка трева и 150 мл сок од алое вера. Консумирајте по една лажица трипати на ден, половина час пред оброк. Смесата чувајте ја во фрижидер, добро затворена во стаклена тегла.
За болести на црниот дроб: сварете 2 супени лажици сува цикорија (голица) во 500 мл врела вода 2-3 минути. Тргнете од шпоретот и оставете да се излади. Потоа процедете и додајте 2 лажици багремов мед и 1 лажичка јаболков оцет или сок од лимон. Се пие топло во текот на денот, без ограничувања.
За болести на бубрезите: измешајте 200 г сок од лимон и 200 г багремов мед и чувајте го во фрижидер. Консумирајте 1 лажица трипати на ден, половина час пред оброк.
Мед од липа. Овој мед најмногу се цени поради неговиот исклучително пријатен вкус. Најчесто се користи во третман на настинки, бидејќи има антибактериско дејство и поттикнува искашлување на секретот. Помага при лекување на б олки во грлото, ларингитис, бронхитис и бронхијална астма.
Исто така го заштитува срцето и ги ублажува болестите на бубрезите, жолчката и гастроинтестиналниот тракт. Може да се користи и во третман на гнојни рани, изгореници, егзема, воспаление на млечните жлезди и други воспалителни болести.
За настинка: измешајте 1 кг мед од липа, 1 чаша ситно исечкани лисја од алое вера, 100 мл маслиново масло, сок од 2 лимони и 1 лажица полен. Консумирајте 1 лажичка од растворената смеса во 100 мл топла вода трипати на ден. За кашлица: Изрендајте лук и додајте мед од липа (1:1). Пред спиење, изедете 1 лажица со чаша топла вода.
Чир на желудник: сомелете свежо грозје во мелница, исцедете го сокот и измешајте го со мед од липа во сооднос 1:1. Оставете ја смесата да отстои во шишето 21 ден на топло место и потоа процедете ја. Пијте 1 лажица трипати на ден 30 минути пред секој главен оброк.
Сончогледов мед. Често се меша со други сорти на мед. Содржи повеќе масло од другите видови на мед. Се користи во третман на грип, треска, атеросклероза, бронхијална астма, невралгија и болести на гастроинтестиналниот тракт и срцето.
Настинка и грип: измешајте 100 г сончогледов мед со сок од еден лимон. Консумирајте по потреба. За кашлање: истурете 1 лажица сечкани лисја од тегавец со 200 мл врела вода и оставете ја отстои поклопена половина час. Додајте 30 г сончогледов мед и консумирајте по една лажица трипати на ден.
За ублажување на алергии: измешајте половина килограм мед од сончоглед со 150 г цимет и оставете го поклопено да стои на ладно место 3 дена. Консумирајте 1 лажичка од смесата секое утро, половина час пред појадок.
Ливадски мед. Се добива од нектар на разни цвеќиња од ливада. Тој е најсложен и содржи најмногу витамини. Овој мед е одличен антимикробен и антифугален агенс. Поради содржината на витамини, ливадскиот мед треба да се консумира за време на есенските и пролетните настинки, бидејќи помага во лекувањето на респираторни заболувања.
Покрај тоа, тој ја регулира работата на дигестивниот тракт, има корисен ефект врз црниот дроб и бубрезите, а особено се препорачува за пациенти со кардиоваскуларни заболувања.
За лекување на грип: измешајте половина килограм ливадски мед со 3 лажици рендан корен од ѓумбир. Консумирајте по една лажичка од смесата трипати на ден, растворено во чаша топла вода.
Инфекции на уринарниот тракт: Измешајте 500 г ливадски мед со 200 г суво мелено овошје од брусница, 2 лажици цимет и неколку чешњиња лук. Консумирајте по една лажичка од смесата, трипати на ден, пред оброк.
За слабеење: измешајте 500 г ливадски мед со 150 г рендан корен од рен и сок од 2 лимони. Промешајте и оставете да отстои во фрижидер 2 дена. Консумирајте по една лажица од смесата смеса растворена во чаша топла вода, половина час пред појадок.
Костенов мед. Слаткиот мед од костен има многу карактеристичен и малку горчлив вкус. Има добри антимикробни својства. Се користи во третман на гастроинтестинални и бубрежни заболувања.
Бубрежни заболувања: ставете 2 лажици сув корен од рен во 200 мл врела зовриена вода и оставете ги покриени 1 час. Смесата се меша со 2 лажици костенов мед. Пијте 4-5 пати на ден по 25-30 мл.
Гастритис: измешајте по 20 г ленено семе, анасон, сладок корен, цвет од липа, лист од нане. Прелијте две лажици од мешавината со 500 мл врела вода, варете 10-15 минути, а потоа оставете да отстои 1-2 часа. Процедете и додајте костенов мед во количина од 1 лажица на 200 мл чај. Консумирајте 100-150 мл чај, трипати на ден, час и половина до два пред оброк.
Шумски мед. Овој мед потекнува од различни видови листопадни и иглолисни дрвја. Благодарение на својот богат минерален состав, шумскиот мед се користи за зајакнување на срцето и целиот организам, како и за подигнување на нивото на хемоглобин во крвта. Исто така се препорачува за реконвалесценти.
За зајакнување на крвта: измешајте 500 г шумски мед со 200 г мелено семе од коприва. Оставете да отстои во фрижидер 48 часа, а потоа консумирајте трипати на ден по една лажичка од смесата.
За зајакнување на имунитетот: измешајте 500 г шумски мед со 150 г ситно исечкани млади иглички бор и оставете го да отстои на ладно место 21 ден. Консумирајте по една лажичка од смесата, двапати на ден, половина час пред секој главен оброк.
НАПОМЕНА: Природните лекови на оваа веб-страница служат за да им помогнат на луѓето. Но, секогаш треба да знаете, доколку имате некаков здравствен проблем, треба да бидете под постојан лекарски надзор и да не се потпирате единствено на алтернативната медицина без стручно мислење. Информациите на оваа веб-страница во никој случај не се наменети како медицински совет или како замена за медицински третман.
Изјава за одрекување од одговорност:
Оваа содржина, вклучувајќи ги и советите, дава само генерички информации за здравствените придобивки на одредени природни производи. Ова во никој случај не е замена за квалификувано медицинско мислење. Секогаш консултирајте се со специјалист или со вашиот матичен лекар за повеќе информации. NMD.mk не презема никаква одговорност за овие информации.
