Болка под ребрата, како што луѓето лаички ја нарекуваат, а стручно, болка под ребрените лакови, не е нималку ретка појава. Тригери или предизвикувачи за оваа појава можат да бидат различни, а треба да се обрати внимание на неколку работи за да може, евентуално да се спречат.
Болка под ребрата од десна страна
Под десното ребро се наоѓаат црниот дроб, жолчната кеса и десниот бубрег. Било каква инфекција на овие органи може да предизвика болки во грбот или горниот дел од стомакот. Бидејќи срцето се наоѓа на средина од градниот кош, повеќе кон левата страна, проблемите со срцето најчесто се манифестираат во вид на болки во левиот дел од ребрата.
Постојат многу можни предизвикувачи на болка под десното ребро. Најчесто се воспаление на жолчно кесе или камен во жолчка, камен во бубрег, заболен црн дроб, воспаление на слепо црево и гасови. Може да се јават како последица од воспаление на десно белодробно крило, повреда на некое ребро или граден мускул, или како последица од воспаление на градна коска.
Во зависност од возраста, болката од десна страна може да биде предизвикана од разни проблеми со жолчката: холециститис (воспаление на жолчната кеса), калкулоза или камен во жолчката.
Може да биде евентуално и комбинација од некој гастритис, воспаление на слузокожата на желудникот, па така здружени овие два проблеми можат да доведат до болка во десниот ребрен лак.
КАМЕН ВО ЖОЛЧКА
Остра болка под десното ребро која се јавува ненадејно може да биде знак за воспаление на жолчно кесе или камен во жолчката. Жолчната кеса е сместена во горниот дел од стомакот, под десното ребро и директно е поврзана со црниот дроб и има важна улога во разложувањето на храната и дигестијата.
Болката се која се јавува во горниот десен дел од стомакот трае обично од 15 минути до 24 часа. Кај проблем со жолчното кесе, болките кои траат неколку часа не се необична појава. Поместувањето на положбата обично не ги ублажува болките, а понекогаш се јавува и проблем со дишењето.
Освен камен во жолчно кесе, ненадејни болки под десниот ребрен лак може да бидат симптом за воспаление на жолчната кеса. Силна, неподнослива болка може да се рашири сè до левото раме.
ЗАБОЛЕН ЦРН ДРОБ
Болката под десното ребро понекогаш е симптом на некои заболувања на црниот дроб. Кога црниот дроб, поради некоја болест, условно кажано, почнува да се растегнува, се појавува силна болка. Овој феномен е чест и кога се јавува конгестивна срцева слабост, болест во која срцето пумпа крв многу побавно и предизвикува задржување на течности во телото. Прилично лошо влијае на останатите органи во телото.
Еден начин да се одржи здравјето на црниот дроб е да се јаде здраво и да се пијат чаеви кои го чистат црниот дроб и да се избегнуваат ал-ко-хол и други супстанции кои влијаат негативно на овој орган.
Камен во бубрегот
Остра, силна болка под десното ребро, исто така, може да биде резултат на камен во бубрег. Камењата во бубрезите се формираат од минерални наслаги и сол во бубрезите. Кога тој камен се движи, има силна, продорна болка. Иако ова не е точната локација на десниот бубрег, болката се шири и се пренесува.
Овие болки понекогаш се шират до препоните. Камењата во бубрезите исто така предизвикуваат болка при мокрење, а урината често има розова или црвеникава боја. Ако се појави инфекција на бубрезите, исто така, се јавува треска и заматена урина со непријатен мирис.
Панкреатитис
Иако воспалението на панкреасот обично предизвикува болка во левата страна на стомакот, понекогаш болката се јавува и под десното ребро. Панкреасот функционира заедно со жолчното кесе и црниот дроб и лачи ензими што ни се потребни за варење.
Присуството на камења во жолчката е релативно честа причина за воспаление на панкреасот. Другите најчести причини за силна болка во панкреасот се често консумирање на ал-ко-хол и повреда на самиот панкреас.
Панкреатитисот предизвикува болка во горниот дел на стомакот и може да се појави и на левата и на десната страна. Дури и поблаг панкреатит може да предизвика силна болка придружена со гадење и повраќање.
Хроничен панкреатит често предизвикува масна столица со непријатен мирис Ако чувствувате остра и силна болка под ребрата која упорно не поминува, а има треска, гадење и повраќање, не ја одложувајте посетата на лекар.
Апендицитис (Воспаление на слепо црево)
Ако воспалението на слепото црево се појави од која било причина, остра болка се јавува околу папокот и од десната страна на стомакот. Ова воспаление е многу опас-на состојба и бара итна медицинска помош бидејќи пу-ка-ње на слепото црево може да има фа-тален исход.
Болката што предизвикува воспаление на слепото црево обично прво се појавува околу папокот, а потоа станува посилна и се движи кон десната страна на стомакот, под ребрата. Покрај болка, симптомите на воспаление на слепото црево вклучуваат гадење и повраќање, губење на апетит, дијареја, треска и надуеност.
Гасови
Гасовите можат да предизвикаат абдоминална болка и непријатност во областа под ребрата. Гасовите често се јавуваат поради храна богата со јаглехидрати: влакна, скроб и млеко. Акумулацијата на гасови во дигестивниот тракт може да предизвика болка на страната на телото каде што се собира.
Ако ова се случи на десната страна на дебелото црево, може да се појави болка слична на онаа предизвикана од апендицитис или жолчни камења.
Болести на белите дробови
Постојат многу различни белодробни заболувања кои можат да се манифестираат како болка под ребрата. Така, болката ќе се појави поради акумулација на течност помеѓу двата слоја ткиво што ги обвиткуваат белите дробови. Причината се инфекции на белите дробови, ревматоиден артритис и фрак-тури на ребрата.
Болката обично се влошува при кашлање и кивање, а болката може да се прошири или од левата или од десната страна под ребрата до грбот и рамената. Плевритисот може да доведе до колапс на белите дробови, што предизвикува силна, прободу-вачка болка што се влошува додека дишеме.
Освен болка, симптомите на колапс на белите дробови се сува и болна кашлица. Пушењето и употребата на дро-га драстично го зголемуваат ризикот од спонтан колапс на белите дробови. Повредата на градите е уште една честа причина за колапс на белите дробови.
Пневмонијата предизвикува и сериозни, продорни болки во градите кои се влошуваат со подлабоко дишење. Воспалението може да биде предизвикано од бактерии, вируси, но и габични инфекции. Други симптоми на пневмонија се кашлица, треска, треперење и главоболки.
Болката исто така може да биде симптом на рак на белите дробови. Тоа е силна болка во градите и рамената. Се разбира, ова не е единствениот симптом, туку и хронична кашлица, кашлање кр-в, замор, ненадејно слабеење и губење на апетит. Малку поредок симптом на рак на белите дробови е болка или непријатност под десното ребро.
Проблеми со варењето на храната
Покрај „заробените“ гасови, некои други болести и проблеми со дебелото црево и варењето може да предизвикаат силна болка под десното ребро. На прво место е синдромот на нервозно дебело црево, чија причина не е позната, а симптомите се надуеност, силен гас и болка во долниот дел на стомакот.
Чест проблем што ретко се препознава е илеус – блокада на цревата поради блокада на столицата што предизвикува силна болка во стомакот. Воспалителни болести на цревата – улцеративен колитис и Кронова болест – се уште една честа причина за болка под ребрата. Тие исто така предизвикуваат проблеми со кашлање и голтање.
Пазете се од повреди на ребрата
Повреда на едно или повеќе ребра на десната страна или мускулите што ги поврзуваат ребрата, секако, ќе предизвикаат силна болка. Во зависност од сериозноста на повредата, болката може да биде со различен интензитет.
Повредата на реброто може да предизвика голем број сериозни компликации, како што се колапс на белите дробови и плеврит. Повредата исто така може да доведе до оштетување на органите на десната страна, црниот дроб или бубрезите. Понекогаш има оштетување на слезината, која се наоѓа под левото ребро.
Кога да одите на лекар
Ако почувствувате ненадејна, силна болка под ребрата и немате идеја што ја предизвикува, најдобро е веднаш да одите на лекар.
Задолжително појдете на лекар без одлагање ако покрај болка во градите имате и некој од овие симптоми:
Ненадејна вознемиреност, чувство на стегање и распаѓање во градната коска; болка под ребрата која се шири на вилицата, левата рака или грбот; забрзано чукање на срцето или забрзано дишење,; гадење, вртоглавица, низок крвен притисок; температура и треска.
Болка во ребрата од левата страна
За разлика од болката на десна страна, болката во левиот ребрен лак може да биде рефлексија од заболувања на многу повеќе органи.
До болка под левиот ребрен лак најчесто доаѓа поради проблеми со панкреасот. Доколку дошло до затнување на излезните канали од панкреасот, или доколку евентуално станува збор за воспаление на панкреасот. Ова често се случува кај лица кои долговремено консумирале ал-ко-хол.
Од левата страна може да се наоѓа и флексура (кривина на дебелото црево), па така доколку нема редовно празнење може да дојде до прободување под левиот ребрен лак. И дијафрагмата може да биде тригер, односно предизвикувач на болка. Дијафрагмата е многу важен мускул кој учествува во дишењето.
Многу е важно да посетите лекар и да направите снимање на стомакот доколку се јави ваков вид на болка. Со ултразвук најдобро ќе се види за што станува збор. Дали црниот дроб е зголемен, или пак некој друг проблем е предизвикувач на болката.
