20 влечења за 20 секунди: Чудниот трик со ушите што го „спушта“ стресот побрзо од длабоко дишење
Верувале или не, меѓу итните медицински сестри кружи една навистина необична, но фасцинантна антистрес техника: влечење на ушните ресички.
Да, звучи како нешто што би ви го кажала некоја баба „за смирување на нерви“, но токму овој мал ритуал наводно го практикуваат ER-работниците меѓу два тешки случаи – и тврдат дека делува неверојатно брзо, пишува НМД.
Ушната ресичка, тој мал, мек дел под увото, нема ‘рскавица – составена е само од масно ткиво преполно со нервни завршетоци.
А токму таму, велат, се крие мини „контролен панел“ поврзан со парасимпатичкиот систем, задолжен за смирување, забавување на пулсот и „гасење“ на алармот во телото.
Според анегдотските извештаи, техниката е едноставна:
1. Фатете ги двете ресички со прстите.
2. Повлечете ги цврсто надолу – околу 12 до 13 милиметри.
3. Повторете го тоа 20 пати, со темпо од едно влечење во секунда.
4. Кажувајте на глас: едно… две… три… – да, и тоа помага за фокус.
Се вели дека нежното тегнење не прави ништо, ама погоре опишаното, доволно силно истегнување на ресичката, наводно го активира ушниот крак на вагусниот нерв – истиот оној нерв што го стимулираат и уредите за терапија против стрес.
Некои медицинари тврдат дека после серијата на влечења чувствуваат пријатна топлина што се спушта низ вратот, како да се топи напнатоста што ја собирале цел ден.
Други велат дека се чувствуваат како да направиле „мини ресет“ – доволно за да си ги соберат мислите пред следниот хаотичен момент.
Иако научно не е докажано дека ресичките „складираат стрес“, добро е познато дека вагусната стимулација може да има смирувачки ефект.
А ако влечењето на ушите ви се чини чудно – па, барем е забавно, бесплатно и трае пократко од мислата „што ми требаше денес!?“.
Сестри го прават меѓу два итни случаи. Наставници меѓу два проблематични часа. А вистинскиот бонус? Можете да го примените каде било… се додека никој не ве гледа чудно додека ги тегнете ушите како цртан лик по нервен слом.
