Посни панцероти без масло: Рецепт што ќе ве изненади со вкус и едноставност
Ако барате едноставен, економичен и здрав рецепт за време на постот, овие посни панцероти на вода се вистинско откритие.
Без масло, а сепак богати со вкус – идеални за појадок, ручек или вечера. Ова е еден од оние рецепти што се паметат и често се повторуваат, особено кога сакате нешто домашно, а лесно за подготовка, пишува НМД. Еве што ви е потребно:
🛒 Потребни состојки
За тесто:
• 1000 г брашно
• 1 квасец (свеж или сув)
• 3 лажички сол
• 2 лажички шеќер
• околу 500 мл млака вода
• 1 лажица оцет
За фил:
• 150 г соини трошки
• 200 г печурки (маринирани)
• 100 г маслинки
• 2–3 кисели краставички
• 3–4 лажици кечап
• 1 лажичка суво оригано
• сол по вкус
За премачкување:
• 1 лажица сенф (синап) или доматен сос
• 2–3 лажици вода
• ленено семе или сусам
👩🍳 Постапка
1. Активирање на квасец
Во 250 мл млака вода додајте шеќер и малку брашно, па додајте го квасецот. Оставете да отстои додека да се активира и да се запени.
2. Подготовка на тесто
Во длабок сад додајте го брашното и солта, па сипете го активираниот квасец и оцетот. Постепено сипете вода и замесете средно меко тесто. Покријте и оставете да нарасне додека да го удвои волуменот.
3. Подготовка на фил
Соините трошки сипете ги во врела вода и оставете да омекнат, па исцедете ги со притискање.
Ситно исечкајте ги печурките (издинстајте ги ако се свежи), маслинките и киселите краставички.
Во сад измешајте ги сите состојки, додајте кечап, суво оригано и сол, па измешајте додека да се добие хомогена смеса.
4. Формирање панцероти
Од стасаното тесто развлечете кора со дебелина околу 0.5 см. Со чаша или калап вадете кругови.
Во средина ставете фил, преклопете и затворете ги рабовите со виљушка или притиснете со работ на лажицата.
5. Втора ферментација
Редете ги во плех обложен со хартија за печење и оставете да одморат уште 15–20 минути.
6. Премачкување и печење
Измешајте сенф (или кечап) со малку вода и премачкајте ги панцеротите. Наросете со ленено семе или сусам.
Печете во загреана рерна на 180°C околу 25–30 минути, додека да поруменат.
💡 Совети за подобар вкус
• Ако не постите на вода, печурките можете кратко да ги запржите со малку масло заедно со сечкан кромид и лук.
• Филот може да го прилагодите – додајте спанаќ, праз или други сезонски состојки.
• За поинтензивен вкус, комбинирајте кечап со малку доматен сос.
• Идеја за рецептот и фотографии – ТУКА.
