Посна пита со шампињони и соја – крцкава кора и богат, заситен фил
Оваа посна пита со шампињони и соини лушпи е совршен избор за време на пост, но и за сите што сакаат вкусен, хранлив и лесен оброк без состојки од животинско потекло.
Богатиот фил од печурки, компир и соја ѝ дава полн вкус и заситност, додека преливот од пиво и масло создава неодоливо крцкава и златна кора.
Питата лесно се подготвува, убаво се сече и е подеднакво вкусна и топла и ладна, пишува НМД. Еве што ви е потребно:
🥧 Посна пита со шампињони и соја – крцкава, сочна и толку вкусна што се прави повторно!
Потребни состојки
За питата
• 500 г тенки кори за пита
За филот
• 2 средни главици кромид
• 500 г компир
• 150 г соини лушпи
• 400 г шампињони
• сол, по вкус
• црн пипер, по вкус
• малку масло
За преливот
• 100 мл масло
• 250 мл пиво
За посипување
• малку сусам
• малку рендан посен кашкавал (по желба)
• НМД
Начин на подготовка
1. Подготовка на сојата
Соините лушпи прелијте ги со врела вода и оставете ги 10–15 минути додека да омекнат. Потоа добро исцедете ги од течноста и оставете ги настрана.
2. Фил
Кромидот ситно исечкајте го и пропржете го на малку масло додека да омекне.
Шампињоните исечкајте ги, додајте ги кај кромидот и динстајте додека целосно да испари вишокот течност.
Компирот излупете го и изрендајте го (или ситно исечкајте го), па додајте го во тавата.
Додајте ги исцедените соини лушпи, посолете, зачинете со црн пипер и добро промешајте додека да се соедини филот.
3. Прелив
Во посебен сад измешајте ги маслото и пивото.
4. Редeње на питата
Плехот намачкајте го со малку масло и по желба обложете го со хартија за печење.
Ставете една кора, попрскајте со прелив, ставете втора кора и повторно малку прелив, па распоредете дел од филот.
Постапката повторувајте ја додека да ги потрошите корите и филот. Завршете со 2–3 кори одозгора и добро попрскајте ги со преливот.
5. Посипување и печење
Питата посипете ја со сусам и, по желба, со рендан посен кашкавал.
Печете во загреана рерна на 200°C, околу 30–40 минути, додека убаво да зарумени и да стане крцкава.
6. Сервирање
Оставете ја питата да одмори околу 10 минути, па сечете и сервирајте.
Корисни совети
• Шампињоните задолжително динстајте ги додека целосно да испари течноста – така питата ќе биде крцкава и нема да пушти вода.
• За поинтензивен вкус, во филот можете да додајте малку мелен црвен пипер или сув зачин, по вкус.
• Питата е највкусна кога ќе одстои 20–30 минути – корите се „смируваат“, а сечењето е полесно.
